Proverbios 12:15 - Bible in Tzeltal Bachajón

¹⁵ Te mach'a ma sna' q'uinal, ya scuy ta toj te be yu'une, yan te mach'a p'ij yo'tan, ya sch'uhun te tojobtesele.

Bible in Tzeltal de Oxchuc y Tenejapa

¹⁵ Te mach'a ma sna' q'uinal, ya scuy ta lec spisil te bila ya spase; yan te mach'a ay sp'ijile, jun yo'tan ya xch'uun te tojtesele.

Proverbios 12:15 Referans Kwoze

Proverbios 3:7

Ma me p'ijuc yac acuy aba; ich'a ta muc' te Jehová soc ihquitaya te bin chopole.

Proverbios 19:20

A'iya awa'iy te bin ya x'a'botat ana' soc ich'a te tojobtesel, hich me p'ij ya xc'ohat te jayeb xan c'ahc'al cuxulat.

Proverbios 14:16

Te mach'a p'ij yo'tan ya xi' te bin chopol, ya sq'uej sba ta stojol, yan te mach'a ma sna' q'uinal ya stoy sba soc ma ba ya stsahtay sba.

Proverbios 14:12

Ay be te scuyoj te toj ya yil te winique, pero ya xc'oht ta loq'uel ta lajel.

Proverbios 1:5

Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Proverbios 26:12

¿Ay bal awiloj te mach'a ya scuy sba ta p'ij? ¡Ay xan bin lec ay ta mahliyel yu'un te mach'a ma sna' q'uinal te bin ut'il te mach'a ya scuy sba ta p'ij!

Proverbios 16:25

Ay be te scuyoj te toj ya yil te winique, pero ya xc'oht ta loq'uel ta lajel.

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.

Gálatas 6:3

Teme ay mach'a muc' ya sp'is sba, te melel mayuc sc'oblal, ha nix ya slo'loy sba.

Proverbios 9:9

A'beya snop te mach'a p'ij yo'tan, ya me xp'ijub xan yu'un; nohptesa te mach'a toj yo'tan, hich bayel xan bin ya sna' a.

Proverbios 21:2

Spisil te behetic yu'un te winic ya scuy ta toj, pero te Jehová ya xna'bot yo'tan yu'un stuquel.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

Proverbios 30:12

Ay mach'atic ya scuy sbahic te mayuc smulic, pero ma ba lecubtesbil yu'un te bin bohlobenic yu'une.

Proverbios 28:11

Te mach'a jc'ulej ya scuy sba ta p'ij, pero te pobre te ya sna' q'uinal ya xhu' ya stsahtay.

Eclesiastés 4:13

Ha lec xan te querem te pobre te ay sp'ijil yo'tan te bin ut'il jtuhl ajwalil te mamalix soc ma sna' q'uinal, te ma xyich' ta cuenta bin ya x'a'bot sna';

Proverbios 26:16

Te mach'a ch'aj ya scuy sba te c'ax hich ay sp'ijil yo'tan a te bin ut'il huctuhl te ya sna'ic suhtesel ta lec te c'ope.

Proverbios 13:1

Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Proverbios 13:10

Ya shach c'op te toybahil, pero te p'ijil-o'tanil ay ta stojol te mach'atic ya sch'uhunic tojobtesel.