Proverbios 12:12 - Bible in Tzeltal Bachajón

¹² Te mach'a chopol yo'tan ya xbic'taj yo'tan yu'un te yaquil yu'un te mach'atic chopol yo'tanic, yan te slohp' te mach'atic toj yo'tanic ya yac' sit stuquel.

Bible in Tzeltal de Oxchuc y Tenejapa

¹² Te bic'tal-o'tanile, ja' syaquic te mach'atic amen yo'tanique; yan te yiptajib te mach'atic toj yo'tanique, sbajt'el q'uinal ay stuquel.

Proverbios 12:12 Referans Kwoze

San Juan 15:5

Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

Isaías 37:31

Te mach'atic yu'un te sna Judá te hilemic ya xcha'ac' xan slohp' ta ye'tal soc ya sitin ta ahc'ol.

Isaías 27:6

Ya sta yorahil te ya xloc' slohp' te Jacob, ya xpuhlin soc ya xnichin te Israel, ya xnoj te bahlumilal yu'un te site.

Salmos 10:9

hich ya snac' sba te bin ut'il choj ay ta ch'en, ya snac' sba yu'un ya stsac te pobre; ya stsac te pobre, ya yic' bahel soc stsacojibal.

Salmos 1:3

Hich ya xc'oht te bin ut'il te' te ts'umbil ta ti' muc'ul-ha', te ya yac' sit ta yorahil soc ma xluhbaj te ya'binal; soc lec ya xc'oht spisil bintic ya spas.

Romanos 6:22

Pero yo'tic, te bin ut'il libre c'ohemex yu'un te mulil soc te a'bat c'ohemex yu'un Dios, atahojic ch'ultesel te ya yac' cuxlejal sbahtel q'uinal.

San Juan 15:16

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

Proverbios 10:15

Te c'ulejalil yu'un te jc'ulej, ha pueblo yu'un te joybil ta ts'ahc; te jinel yu'un te pobrehetic, ha te spobrehile.

Salmos 9:15

Te nacionetic ch'ayic cohel ta ch'en te ha nix spasojic; te yaquil te snac'ojic, tsacbot yoquic yu'un.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Proverbios 11:30

Te sit ya yac' mach'a toj yo'tan ha te' yu'un cuxlejal, ha p'ij te mach'a ya x'ic'awan ta lequil be.

Proverbios 21:10

Te mach'a chopol yo'tan ha nax ya sc'an te bintic chopol; te spat-xuhc ma ba ya xc'uxultayot yu'un.