Proverbios 11:9 - Bible in Tzeltal Bachajón

⁹ Te jchebal-o'tan ya yuts'in te spat-xuhc ta scuenta sc'op, pero te mach'atic toj yo'tanic ya x'ac'otic ta libre ta scuenta te p'ijil-o'tanil.

Bible in Tzeltal de Oxchuc y Tenejapa

⁹ Te c'opetic yu'un te mach'a amen yo'tane, ya sjin te spat-xujq'ue; yan te sp'ijil sjol te mach'a toj yo'tane, ya xcoltaywan.

Proverbios 11:9 Referans Kwoze

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

1 Juan 2:21

Ma ba ya jts'ihbabeyex yu'un te ma ba yac ana'ic te smelelil c'op, yu'un yac ana'ic, soc yu'un ma xloc' talel lot ta smelelil c'op.

Hechos 20:30

Soc ya me xchicnaj ta awohlilic winiquetic te ya yaq'uic ta nopel lotil c'opetic yu'un ya xt'unotic yu'un te jnopojeletique.

Salmos 55:12

Te ha'uc jcontra te la slabanon, ya xcuhch cu'un te hichuque; soc te ha'uc mach'a ya sp'ajon te la scontrahinon, ya xhu' ya jnac' jba ta stojol te hichuque.

San Mateo 7:15

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic.

Job 34:30

scuenta yu'un ma ba ya x'och ta ajwalil te mach'a chopol yo'tan, te ma ba ya slo'loy te pueblohe.

Job 8:13

Hich ay te behetic yu'un spisil mach'atic ya sch'ayic ta yo'tanic te Diose, soc hich ya xtup' bahel smuc'ul yo'tan te mach'a chopol,

1 Reyes 22:6

Ha yu'un te ajwalil yu'un Israel la stsob jalwanejetic, ay wan jbahc' ta tuhl, hich la sjoc'obe: ¿Ya bal ca'be guerra te Ramot yu'un Galaad, o ma'uc? xchi. Bahan, te Jehová ya me ya'be ta sc'ab te ajwalil, xchihic.

San Marcos 13:14

Te c'alal yac awilic te bin ihlobtic sba te ya xjinawan te ay ta banti ma xhu' ya x'och sc'oblale, (te mach'a ya yil te hune, ac'a sna'be scuentahil), te mach'atic ayic ta sq'uinal Judea ac'a ahnuquic bahel ta witsiltic.

Proverbios 11:6

Te bin stojil ya spas te mach'atic toj yo'tanic, ya x'ac'otic ta libre yu'un, pero te bic'tal-o'tanil ya schuc te mach'atic ma junuc yo'tanic.

Proverbios 11:8

Te mach'a toj yo'tan ya xcol ta libre yu'un wocol, ha ya xc'oht ta scuenta te mach'a chopol yo'tane.

Proverbios 16:29

Te j'uts'inwanej ya slo'loy te spat-xuhc soc ya yic' bahel ta ma lequil behuc.