Proverbios 11:23 - Bible in Tzeltal Bachajón

²³ Te bin ya sc'an te mach'atic toj yo'tanic lec me ya xc'oht ta loq'uel, pero te bin ya smahliy te mach'atic chopol yo'tanic, ha ya xc'oht ta loq'uel ta ilimba.

Bible in Tzeltal de Oxchuc y Tenejapa

²³ Te bila ya sc'an te mach'a toj yo'tane, puersa lec ya xc'ot ta loq'uel; yan te mach'a amen yo'tanic te ya stoy sbae, ja' nax ya sjajch'es ilimba stuquel.

Proverbios 11:23 Referans Kwoze

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

Salmos 37:4

Ac'a smulan awo'tan te Jehová, hich ya ya'bat te bintic ya sc'an te awo'tane.

Jeremías 17:16

Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Isaías 26:9

Ta ahc'abal ya sc'anat te jch'uhlele, ta spisil jch'uhlel ya jlehat ta sab. Te c'alal yac awa'iy chahpanwanej ta bahlumilal, te mach'atic nahinemic ta bahlumilal ya snopic te bin stojil ta pasele.

Proverbios 10:28

Te bin yac smahliybel te mach'atic toj yo'tanic ha te stse'elil yo'tanic, yan te bin ya smahliyic te mach'atic chopol yo'tanic ya xch'ay bahel.

Salmos 10:17

Jehová, yac awa'iybe bin ya sc'an yo'tanic te mach'atic peq'uelic, ha'at yac awa'be yip yo'tanic soc yac awa'iybe te sc'opique.

Hebreos 10:27

ha xanix te castigo te xiweltic sba soc te c'ahc' te xpululet ta tihlel te ya slajinlan mach'atic scontrahinejic te Diose.

Proverbios 11:7

C'alal ya xcham te mach'a chopol yo'tan, ya xch'ay te bin yac ta smahliyel, soc ya xlaj te bin bayel sc'oblal ta yo'tan.

Salmos 119:10

Ta spisil co'tan ya jlehat; ma xawac' te ya xhowiyon ta stojol te mandariletic awu'une.

Salmos 119:5

Co'tanuc te jun co'tan ya jch'uhun spasel te mandariletic awu'une.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Proverbios 11:24

Ay mach'a ay bin ya spucticlan, ay xan yan bin ya sta; ay mach'a te ay st'ut'il, ha ya x'och ta pobrehil.

Proverbios 12:5

Te mach'a toj yo'tan, ha toj te bin snopoj ta yo'tan, pero ha lo'loywanej te bin ya yac' ta na'el te mach'atic chopolic.

Proverbios 13:2

Ta scuenta bin ya yal, hich ya swe' te bin lec te winique, pero te mach'a j'uts'inwanej ya me sta te bin chopole.