Proverbios 11:13 - Bible in Tzeltal Bachajón

¹³ Te mach'a ya xlehawan ta c'op ya schicnajtes te bin muquen ay, yan te mach'a jun yo'tan ma ba ya schicnajtes te bin muquen ay.

Bible in Tzeltal de Oxchuc y Tenejapa

¹³ Te mach'a buen jle-c'op, spisil ya xchol ta alel; yan te mach'a ya scanantay ta yo'tan te c'ope, ma xchicnantes stuquel.

Proverbios 11:13 Referans Kwoze

Proverbios 20:19

Te mach'a ya xlehawan ta c'op ya schicnajtes te bin muquen ay, ha yu'un ma me xajoquin te mach'a bayel ya xc'opoj.

Proverbios 25:9

Chahpana te c'op soc te apat-axuhc, ma me xawalbe yan te bin muquen ay,

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

1 Timoteo 5:13

Soc ya snopic ch'ajilal, ya xpaxiajic ta nahnatic; soc ma ha'uc nax te ch'ajic, ya snopic le-c'op soc biluc nax ya sch'ic sbahic a, ya yalic te bin ma scuentahuc yalel.

Josué 2:14

La sjaq'uic te winiquetic: Ya jelcotic ta jcuxlejalcotic te acuxlejalic teme ma ba yac awal te bin scuentahil te talemotcotique. Te c'alal ya'beyejotcotiquix a te q'uinal te Jehová, ya me jc'uxultayatcotic soc hich ya jpasbatcotic te bin ut'il la jcalbatcotiquix, xchihic.

Jeremías 38:27

Ta patil spisil te príncipaletic tal sjoc'obeyic te Jeremías; hich la yalbe te bin ut'il pasot ta mandar yu'un te ajwalil. Hich la yihquitayic hilel, como mayuc mach'a la ya'iy te bin la yalique.

Proverbios 14:5

Te mach'a testigo ta melel, ma xya'iy lot, yan te lotil testigo ya yal lot stuquel.

Josué 2:20

Soc teme yac awal te bin la jchaptic, ya xhilotcotic ta libre yu'un te bin la awac'otcotic ta yalel ta jamal, xchihic.

Proverbios 11:12

Te mach'a ma sna' q'uinal ya sp'aj te spat-xuhc, yan te mach'a p'ij yo'tan mayuc bin ya yal.

Proverbios 12:23

Te mach'a ay sp'ijil ya smuc te bin ya sna', yan te mach'atic ma sna'ic q'uinal, ya spuquic ta halel bin ma sna'ic.

Proverbios 19:11

Te sp'ijil yo'tan te winic, ha ya xcombot yilimba yu'un; soc ha yutsilal ya xc'oht te ya xcuhch yu'un te il-o'tantayele.

Proverbios 10:19

Ta banti ay bayel c'op, ay mulil tey a, yan te mach'a ya scom ye, ay sp'ijil yo'tan.