Proverbios 11:11 - Bible in Tzeltal Bachajón

¹¹ Ya xtohybot sc'oblal te pueblo ta scuenta te bendición yu'un te mach'atic toj yo'tanic, pero ya sjin ta scuenta sc'op te mach'atic chopol yo'tanique.

Bible in Tzeltal de Oxchuc y Tenejapa

¹¹ Te bendición yu'un te mach'atic toj yo'tanic, ya xmuc'ub slumal yu'un; yan te sc'op te mach'atic amen yo'tanique, ya xjin slumal yu'un stuquel.

Proverbios 11:11 Referans Kwoze

Proverbios 14:34

Te bin stojil ta pasel ha ya stoybe sc'oblal te nación, yan te mulil ya yac' ta q'uexlal te nacionetique.

Proverbios 29:8

Te jlabanwanejetic ya shachbeyic yo'tan te pueblo, pero te mach'atic ay sp'ijil yo'tanic ya slahmajtesic ilimba.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

Eclesiastés 9:15

Ta yutil te pueblo ay jtuhl winic te pobre pero ay sp'ijil yo'tan, ha la scoltay te pueblo ta scuenta te sp'ijil yo'tane. ¡Pero mayuc mach'a patil na'ot yu'un te pobre winique!

Job 22:30

Ha ya scoltay te mach'a mayuc smul; ya xhil ta libre ta scuenta te mayuc mulil ta sc'ab, xchi te Elifaz.

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

Génesis 45:8

Ha yu'un ma ha'uquex la awac'onic tal li'i, ha te Dios te la yac'on tal, la yac'on ta stat faraón, la yac' te ajwalilon c'ohon yu'un spisil sna soc la ya'bon jcuentahin spisil te sq'uinal Egipto.

Proverbios 11:10

Te c'alal ay bin ay yu'un te mach'atic toj yo'tanic, tse'el yo'tan yu'un te pueblo; pero te c'alal ya xlaj te mach'atic chopol yo'tanic, ya spasic q'uin yu'un.

Proverbios 11:12

Te mach'a ma sna' q'uinal ya sp'aj te spat-xuhc, yan te mach'a p'ij yo'tan mayuc bin ya yal.

Proverbios 28:2

C'alal ay toybahil ta jun nación, ay bayel jcuentahinwanejetic yu'un, yan te winic te ay scuentahil ta yo'tan soc te ay sp'ijil yo'tan ya yac' te ma xhahch c'op.