Proverbios 10:8 - Bible in Tzeltal Bachajón

⁸ Te mach'a p'ij yo'tan ya yich' ta cuenta te mandariletic, yan te mach'a ma sna' bin ya yal, ya xjihnot yu'un.

Bible in Tzeltal de Oxchuc y Tenejapa

⁸ Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

Proverbios 10:8 Referans Kwoze

Proverbios 12:1

Te mach'a c'ux ta yo'tan te tojobtesel, c'ux ta yo'tan te p'ijil-o'tanil, yan te mach'a ya sp'aj te tsitsel ma sna' q'uinal.

Santiago 3:13

¿Mach'a a te ay sp'ijil yo'tan ta awohlilic soc te ay bin ya sna'? Ac'a yac' ta ilel ta scuenta te lec stalel te bin ut'il ya spas ya'tel soc peq'uel yo'tan soc sp'ijil yo'tan.

Proverbios 9:9

A'beya snop te mach'a p'ij yo'tan, ya me xp'ijub xan yu'un; nohptesa te mach'a toj yo'tan, hich bayel xan bin ya sna' a.

Proverbios 1:5

Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Eclesiastés 10:12

Ay yutsil te c'op ya xloc' ta ye te mach'a ay sp'ijil yo'tan, yan te sc'op te mach'a ma sna' q'uinal ha nix ya xjihnot yu'un.

Proverbios 14:23

Ta spisil te a'tel ay bin ya xloc' a, yan te tojol c'op ya yac' pobrehil.

Proverbios 14:8

Te p'ijil-o'tanil yu'un te mach'a p'ij, ha te ya stsahtay te behetic yu'un, pero te tojol c'op yu'un te mach'a ma sna' q'uinal, ya xlo'loywan.

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Proverbios 12:13

Te mach'a chopol yo'tan, ha nix ya schuc sba ta slot; yan te mach'a toj yo'tan ya xloc' ta wocol.

Proverbios 10:10

Te mach'a ya xmuts'sitaywan, ya yac' wocol, soc te mach'a ma sna' bin ya yal, ya xjihnot yu'un.

Salmos 119:34

Ac'a c'ohtuc ta co'tan, hich ya jch'uhun spasel te ley awu'un, ya jc'ohtes ta pasel ta spisil co'tan.

Proverbios 9:8

Ma xatsits te jlabanwanej, ya me sp'ajat yu'un; teme yac atojobtes te mach'a p'ij yo'tan, c'ux me ya ya'iyat ta yo'tan yu'un.

Proverbios 10:14

Te mach'atic ay sp'ijil yo'tanic ya sq'uejic te p'ijil-o'tanil, yan te sc'op te mach'a ma sna' q'uinal, ya yic' tal jinel.