Proverbios 10:22 - Bible in Tzeltal Bachajón

²² Te bendición yu'un Jehová ya yac' c'ulejalil, soc ma ba ya yac' mel-o'tan.

Bible in Tzeltal de Oxchuc y Tenejapa

²² Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

Proverbios 10:22 Referans Kwoze

Salmos 107:38

Dios ya ya'be bendición, c'ax bayel ya xp'ohlic, soc ma ba ya yac' te ya xpehc'aj te wacaxetic yu'unique.

Génesis 26:12

Te Isaac la sts'un sts'unub-yawal tey a; ha nix ta ha'bil la sc'ajbe ho'winic (100) buelta te site; a'bot bendición yu'un Jehová.

Génesis 24:35

Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Salmos 37:22

Te mach'atic ya x'a'botic bendición yu'un Jehová, ya me yich'ic hilel te q'uinale, yan te mach'atic bohloben sc'oblalic yu'un, ya me xlajic stuquelic.

Proverbios 20:21

Te bin ora nax ta tahel ta shahchibal, ma ha'uc bendición ya xc'oht ta loq'uel.

Génesis 13:2

Te Abram ay bayel chambahlametic soc oro soc plata yu'un.

Proverbios 28:22

Te mach'a ay st'ut'il ya suj sba ta slehel sc'ulejal, ma sna' te yac ta talel pobrehil ta stojol.

Zacarías 5:4

Ha la jticon bahel, xchi te Jehová te scuentahinej spisil, ha ya x'och ta sna te j'elec' soc ta sna te mach'a ay bin ya yal ta jamal ta lot ta scuenta jbihil; tey ya x'ayin ta sna soc pajal ya slajin soc te sts'amte'el soc te tonetic yu'une, xchi.

Génesis 14:23

ma ba ya quich' ni jlihcuc hilera ni jlihcuc schuhquil tepil, ma ba ya quich'bat te bintic ay awu'un, scuenta yu'un ma ba yac awal: Ho'on la jcac' c'ulejubuc te Abram, ma xchihucat.

Josué 6:18

Pero te ha'exe tsahtayahic me yu'un te bin parte ac'bil scuenta lajel; ma me xapic soc ma me xawich'ic te bin parte ac'bil scuenta lajel; ma me xawaq'uic te ya xc'oht chopol c'oblalil ta stojol te campamento yu'un Israel, te hich yac awa'be sta swocol a.

1 Reyes 21:19

Hich me yac awalbe: Hich ya yal te Jehová: ¿Ma bal lajuc awa'iy milaw soc la apojbe sq'uinal? xchihat. Soc hich yac awalbe xan: Hich ya yal te Jehová: Ta banti lugar te lec'bot sch'ich'el Nabot yu'un ts'i'etic, tey nix ya slec'bat ach'ich'el a te ts'i'etique, xchi.

Génesis 26:13

P'ohl sc'ulejal te Isaac, yantic yilel ta p'ohlel sc'ulejal, soc muc'ub sc'oblal ha to c'alal la sta bayel yip.

Deuteronomio 26:10

Yo'tic, Jehová, la jquich' tal te sba sit te jts'unub-cawal te loc' tal ta q'uinal la awa'bon, xchihat. Ya me apahchambe ta stojol Jehová te Dios awu'un soc ya me aquejan aba ta stojol.

Deuteronomio 28:11

Te Jehová ya me yac' te c'ax bayel bin ay awu'un, ha te awal-anich'nab, te yalatac chamblahlametic awu'un, soc te sit ats'unub-awawal tey ta q'uinal te jc'axel la yal ta jamal te Jehová ta stojol ame'atat te ya ya'bate.

2 Crónicas 25:9

Te Amasías la sjoc'obe te winic yu'un Dios: Pero ¿bin ya yich' pasel yu'un te ho'winic (100) talento plata te la jca'be te soldadohetic yu'un Israel? xchi. La sjac' te winic yu'un Dios: Te Jehová c'ax to xan hich ya xhu' ya ya'bat a, xchi.

Proverbios 8:21

yu'un ya ca'be te bintic ya xc'oht ta scuentahic te mach'atic c'uxon ta yo'tanic, soc te ya jnojesbe yawil sc'ulejalic.

Proverbios 14:24

Te mach'a p'ij yo'tan, ha scorona te sc'ulejal; ha sonso te sonsohil te mach'a ma sna' q'uinal.

Daniel 1:15

C'alal c'ax te lajuneb c'ahc'al, chicnaj te ha lequic xan ta ilel te bin ut'il te yantic queremetic te la swe'ic te we'elil yu'un te ajwalile.

1 Crónicas 4:10

Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.

2 Crónicas 32:27

Te Ezequías c'ax bayel sc'ulejal soc bayel ay ta ich'el ta muc'. La stsob sc'ulejal, ha te plata, oro, t'ujbil tonetic, bintic sumet yic', mahquilaletic soc spisil ta chahp te bintic bayel stojol.

2 Crónicas 32:29

Soc la spas pueblohetic, soc la sta bayel tuminchijetic, tentsunetic soc wacaxetic, como Dios la ya'be bayel sc'ulejal.

Salmos 127:2

Tojol te sab ya xhahchex soc c'ubix ahc'abal a ya xwayex, te yac awe' pan atahoj scuenta sc'uxul awa'tel, como Dios ya ya'be swayel te mach'atic c'ux ta yo'tan.