Proverbios 10:21 - Bible in Tzeltal Bachajón

²¹ Te ye te mach'a toj yo'tan, ya smac'lin tsobolic, yan te mach'atic ma sna'ic q'uinal, ya xchamic ta scaj te mayuc bin ya sna'ic stuquel.

Bible in Tzeltal de Oxchuc y Tenejapa

²¹ Te c'op ya xloc' ta ye te mach'a toj yo'tan, bayal mach'a ya xp'ijubic yu'un; yan te mach'a ma sna' q'uinale, ya xlaj ta scaj te ma'yuc bila ya sna' stuquele.

Proverbios 10:21 Referans Kwoze

Oseas 4:6

La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Proverbios 17:16

¿Banti ya xtuhun taq'uin ta sc'ab te mach'a ma sna' q'uinal yu'un ya sman p'ijil-o'tanil, teme ma sna' snopele?

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

Proverbios 1:29

ta scaj te la yihlayic te p'ijil-o'tanil, soc ma ba la stsahic te ya yich'ic ta muc' te Jehová;

Proverbios 15:4

Te lamal c'op ha te' scuenta cuxlejal, yan te bohl c'op ya slajin te o'tanile.

Proverbios 5:23

Ya me xlaj ta scaj te mayuc tojobtesel yu'un, ya xhowiy bahel yu'un te jc'axel ma sna' q'uinal.

Proverbios 5:12

te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Proverbios 1:31

hich ya me swe'beyic sit te be yu'unic soc ya xnojic ta bin chopol snopoj ta yo'tanic.

Job 23:12

Mayuc bin ora la jquihquitay jba ta stojol te mandariletic te yaloje, la jq'uej ta co'tan te bintic yaloj.

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Proverbios 12:18

Ay mach'a te hich ya x'ehchenteswan te bin ut'il espada te sc'opique, yan te sc'op te mach'a p'ij yo'tan ya xpoxtaywan stuquel.

1 Pedro 5:2

Canantayahic me te tuminchijetic yu'un Dios te ay ta awohlilic, ma ba ta scuenta sujel, ha'uc ta scuenta sc'anojel awo'tanic, ma ha'uc ta scuenta stahel taq'uin te ma stojiluc, ha'uc soc spisil awo'tanic.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Jeremías 3:15

Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Salmos 37:30

Ya xloc' p'ijil c'op ta ye te mach'a toj yo'tan, soc ya yal te bin stojil.

San Mateo 12:35

Te mach'a lec ta winiquil ya xloc' ta ye te bintic lec sq'uejoj ta yo'tan; te mach'a chopol ta winiquil, ya xloc' ta ye te bintic ma lecuc sq'uejoj ta yo'tan.

Proverbios 6:32

Soc te mach'a ya ya'iy antsiwej, mayuc snopojibal yu'un; te mach'a hich ya spas ha nix ya sjin sba.

Proverbios 10:11

Te bin ya yal te mach'a toj yo'tan, ha sloq'uib-ha' yu'un cuxlejal, pero ay uts'inwanej ta ye te mach'a chopol yo'tan.

Proverbios 1:32

Como te mach'atic mayuc bin sna'ojic ya xmilotic yu'un te mayuc bin sna'ojic; soc te mach'atic ma sna'ic q'uinal ya xlajinotic yu'un te scuyoj te lec ayic.

Proverbios 5:2

scuenta yu'un yac atsahtay aba soc ay ap'ijil te ya xc'opojate.

Proverbios 15:7

Te mach'atic p'ij yo'tanic ya spuquic ta halel p'ijil c'op; ma hichuc te mach'atic ma sna'ic q'uinal.

Eclesiastés 12:11

Te c'opetic yu'un te mach'atic ay sp'ijil yo'tanic hich c'ohemic te bin ut'il ch'ix, te tsobil c'opetic hich c'ohemic te bin ut'il clavohetic te bajticlambilic ta lec, te la yich'ic halel yu'un jtuhl jcananchij.

Isaías 5:13

Ha yu'un ya x'ic'otic bahel ta chuquel te pueblo cu'un ta scaj te mayuc snopojibal yu'unique. Te winiquetic yu'un te ay sc'oblalic ya xlajic ta wi'nal, soc te tsobolic yu'un, ya ya'iyic bayel taquinti'il.