Proverbios 10:19 - Bible in Tzeltal Bachajón

¹⁹ Ta banti ay bayel c'op, ay mulil tey a, yan te mach'a ya scom ye, ay sp'ijil yo'tan.

Bible in Tzeltal de Oxchuc y Tenejapa

¹⁹ Te mach'a bayal ya xc'opoje, bayal ya xjowej ta c'op; yan te mach'a jteb nax ya xc'opoje, ja' te mach'a ay sp'ijile.

Proverbios 10:19 Referans Kwoze

Santiago 3:2

Jpisiltic bayel buelta ya xjelawotic. Teme ay mach'a ma ba ya xjelaw ta c'op, mero lec c'ohem, ya xhu' yu'un scomel spisil te sbaq'uetale.

Santiago 1:19

Ha yu'un, quermanotac te c'uxex ta co'tan, chapaluquex me apisilic yu'un ya'iyel ta ora te bin ya yich' halel, ma me orahuc ya xc'opojex, soc ma me orahuc ya x'ilinex,

Eclesiastés 5:3

Como te bayel bintic yac anopilan ya xtal wayichiletic yu'un, soc ha sc'op mach'a ma sna' q'uinal teme bayel ya xc'opojate.

Salmos 39:1

Hich la jcal: Ya jtsahtay jba scuenta yu'un ma ba ya jta jmul soc te cac'; ya cotses freno ta que te c'alal ay ta jtojol te jchopol-o'tanetic, xchihon.

Job 11:2

¿Ma bal yacuc sc'an suhtib te bayel c'opetic ini? Te mach'a bayel ya xc'opoj ¿hich bal toj ya xc'oht a?

Proverbios 18:21

Te lajel soc te cuxlejal ayic ta scuenta te yaq'ue; te mach'a ya smulan te bayel ya xc'opoj, ya me swe'be te site.

Eclesiastés 5:2

Ma me orahuc ya xc'opojat, ma me orahuc ay bin yac awal ta stojol Dios, como Dios ay ta ch'ulchan, yan te ha'ate ayat ta bahlumilal. Ha yu'un ma me bayeluc ya xc'opojat.

Proverbios 11:12

Te mach'a ma sna' q'uinal ya sp'aj te spat-xuhc, yan te mach'a p'ij yo'tan mayuc bin ya yal.

Proverbios 11:13

Te mach'a ya xlehawan ta c'op ya schicnajtes te bin muquen ay, yan te mach'a jun yo'tan ma ba ya schicnajtes te bin muquen ay.

Proverbios 12:23

Te mach'a ay sp'ijil ya smuc te bin ya sna', yan te mach'atic ma sna'ic q'uinal, ya spuquic ta halel bin ma sna'ic.

Eclesiastés 5:1

Te c'alal ya xbahat ta templo yu'un Dios tsahtaya te bin yac apas. Ha lec xan te ya xnohpojat bahel ta ya'iyel te bin ut'il yaq'uel milbil mahtanil hich te bin ut'il ya spasic te mach'atic ma sna'ic q'uinal, te ma ba ya sna'ic te ay bin chopol ya spasique.