Proverbios 10:14 - Bible in Tzeltal Bachajón

¹⁴ Te mach'atic ay sp'ijil yo'tanic ya sq'uejic te p'ijil-o'tanil, yan te sc'op te mach'a ma sna' q'uinal, ya yic' tal jinel.

Bible in Tzeltal de Oxchuc y Tenejapa

¹⁴ Te mach'atic ay sp'ijil yo'tanic ya scanantay te p'ijil c'ope; yan te mach'atic ma sna'ic q'uinale, ya xtal wocol ta stojolic yu'un te sc'opique.

Proverbios 10:14 Referans Kwoze

Proverbios 18:7

Te ye te mach'a ma sna' q'uinal ha nix ya xjihnot yu'un; ta scaj sc'op ha nix ya syac sba.

Proverbios 10:8

Te mach'a p'ij yo'tan ya yich' ta cuenta te mandariletic, yan te mach'a ma sna' bin ya yal, ya xjihnot yu'un.

Proverbios 13:3

Te mach'a ya stsahtay bin ya yal, ha nix ya scanantay te scuxlejal, yan te mach'a bayel ya xc'opoj, ya xjihnot yu'un.

Proverbios 10:10

Te mach'a ya xmuts'sitaywan, ya yac' wocol, soc te mach'a ma sna' bin ya yal, ya xjihnot yu'un.

Proverbios 9:9

A'beya snop te mach'a p'ij yo'tan, ya me xp'ijub xan yu'un; nohptesa te mach'a toj yo'tan, hich bayel xan bin ya sna' a.

San Mateo 13:52

Ha yu'un spisil escribano te snopbeyej sc'oblal te cuentahinel yu'un te ch'ulchan hich c'ohem te bin ut'il jtuhl yajwal na te ya stsa loq'uel tal ta yawil te bin yach'il soc te bin poco'ix, xchi te Jesús.

San Mateo 13:44

Te cuentahinel yu'un te ch'ulchan hich c'ohem te bin ut'il c'uhlejalil mucul ta lum, te ay mach'a la sta soc la scha'muc xan hilel; tse'el yo'tan a baht schon spisil bintic ay yu'un, ha baht sman te q'uinale.

San Mateo 12:35

Te mach'a lec ta winiquil ya xloc' ta ye te bintic lec sq'uejoj ta yo'tan; te mach'a chopol ta winiquil, ya xloc' ta ye te bintic ma lecuc sq'uejoj ta yo'tan.

Proverbios 21:23

Te mach'a ya stsahtay bin ya yal ya scoltay sba ta bayel wocol.

Proverbios 19:8

Te mach'a ya sta te snopojibal yu'un, ha nix c'ux ya ya'iy sba; te mach'a ya scanantay te bin ay ta na'el, ya sta yutsil slequil.

Proverbios 18:15

Te yo'tan te mach'a p'ij yo'tan ya sta xan sp'ijil; te schiquin te mach'a p'ij, ya sle te bintic ay ta na'el.

Proverbios 18:1

Te mach'a t'ut' ha nax ya sle te bin ya sc'an yo'tan stuquel, soc ya scontrahin spisil lequil tojobtesel.

Proverbios 1:5

Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Proverbios 12:23

Te mach'a ay sp'ijil ya smuc te bin ya sna', yan te mach'atic ma sna'ic q'uinal, ya spuquic ta halel bin ma sna'ic.

Eclesiastés 10:12

Ay yutsil te c'op ya xloc' ta ye te mach'a ay sp'ijil yo'tan, yan te sc'op te mach'a ma sna' q'uinal ha nix ya xjihnot yu'un.

Proverbios 17:20

Te mach'a chopol yo'tan, mayuc bin ora ya sta te bin leque; te mach'a ya ya'iy lot, ya xyahl ta bin chopol.