Proverbios 10:1 - Bible in Tzeltal Bachajón

¹ Te tsahbil c'opetic yu'un Salomón: Te querem te p'ij yo'tan ya ya'be yutsil yo'tan te state, pero te querem te ma sna' q'uinal ya ya'be smel yo'tan te snane.

Bible in Tzeltal de Oxchuc y Tenejapa

¹ P'ijil c'opetic yu'un Salomón: Te nich'anil te ay sp'ijile ya yac'bey yutsil yo'tan te sme'-state; yan te nich'anil ma sna' q'uinal ya yac'bey swocol te sme'-state.

Proverbios 10:1 Referans Kwoze

Proverbios 1:1

Te tsahbil c'opetic yu'un Salomón snich'an David, te ajwalil yu'un Israel:

Proverbios 29:3

Te mach'a c'ux ta yo'tan te p'ijil-o'tanil ya ya'be yutsil yo'tan te state; yan te mach'a ya sjoquinlan te j'antsinel-antsetic ya slajin bintic ay yu'un.

Proverbios 17:25

Te nich'anil ma sna' q'uinal, ya ya'be smel yo'tan te state soc ya yac' pihch'ajuc yo'tan te mach'a ayintesot yu'une.

Proverbios 29:15

Te xul soc te tojobtesel ya yaq'uic p'ijil-o'tanil, pero te nich'anil te hich nax ay ya yac' ta q'uexlal te snane.

Proverbios 15:20

Te querem te p'ij yo'tan ya ya'be yutsil yo'tan te stat; yan te querem ma sna' q'uinal ya sp'aj te snane.

Proverbios 17:21

Te mach'a ya snich'antay te mach'a ma sna' q'uinal, ya x'a'bot mel-o'tan yu'un; te tatil yu'un te mach'a ma sna' q'uinal, mayuc stse'elil yo'tan.

Proverbios 19:13

Te querem te ma sna' q'uinal, ya ya'be swocol te state; te yutaw te ants pajal soc t'ojob te spisil ora xt'ult'on.

Eclesiastés 12:9

Te jayeb ay sp'ijil yo'tan te Jp'ijubteswanej, hich la ya'be snop te ants-winiquetique. La ya'iy, la stsahtay yil soc la schahpan bayel tsahbil c'opetic.

Eclesiastés 2:19

¿Mach'a ya sna' teme ay sp'ijil yo'tan o teme ma sna' q'uinal te mach'a ya scuentahimbon spisil te ca'tel te la jca'telin spasel ta bahlumilal soc sp'ijil co'tan? Ha nix hich tojol nax.

Proverbios 25:1

Ha nix ini te tsahbil c'opetic yu'un Salomón, te lop'taybil ta ts'ihbayel yu'un te winiquetic yu'un Ezequías, te ajwalil yu'un Judá:

1 Reyes 4:32

La spas j'ohlil swaxacbahc' (3,000) tsahbil p'ijil c'opetic soc lajunwinic yoxbahc' soc ho'eb (1,005) c'ayojetic.

Proverbios 13:1

Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Proverbios 27:11

Jnich'an, ayuc me sp'ijil awo'tan, hich me yac awac' tse'ejinuc co'tan; hich ya xhu' ya jsuhtesbe sc'op te mach'a ya sp'ajone.

Proverbios 29:17

Tojobtesa te anich'an, hich me ya ya'bat lamal q'uinal, soc ya ya'bat stse'elil awo'tan.