Proverbios 1:7 - Bible in Tzeltal Bachajón

⁷ Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Bible in Tzeltal de Oxchuc y Tenejapa

⁷ Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

Proverbios 1:7 Referans Kwoze

Job 28:28

Hich la yalbe te ants-winiquetic: Ha p'ijil-o'tanil te yich'el ta muc' te Cajwaltique, soc ha lequil nohptesel te yihquitayel te bin chopole, xchi.

Salmos 111:10

Te shahchibal te p'ijil-o'tanil ha te yich'el ta muc' te Jehová; spisil te mach'atic ya spasic te mandariletic yu'un ya sna'ic q'uinal ta lec. ¡Ay ta halbeyel yutsil sc'oblal sbahtel q'uinal!

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Proverbios 9:10

Te shahchibal te p'ijil-o'tanil ha te xi'el te Jehová, soc ha snopojibal awu'un teme yac ana'be sba te Ch'ul Diose.

Proverbios 15:33

Te xi'el te Jehová ha nohptesel yu'un p'ijil-o'tanil, soc ha nahil te peq'uel-o'tanil, patil te ich'el ta muc'.

Proverbios 18:2

Te mach'a ma sna' q'uinal ma smulan stsahtayel te bin ay ta na'el, ha ya smulan ya yac' ta na'el bin ay ta yo'tan stuquel.

Proverbios 1:22

Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Proverbios 15:5

Te mach'a ma sna' q'uinal ya sp'aj te tojobtesel yu'un te state; yan te mach'a ya sch'uhun tojobtesel ay sp'ijil yo'tan.

Deuteronomio 4:6

Canantayahic soc pasahic, como hich ya sna'ic a te nacionetic te ay sp'ijil awo'tanic soc te yac ana'be scuentahil; ya me ya'iyic spisil te mandariletic ini, hich me ya yalic: Melel ay sp'ijil yo'tan soc ya sna'be scuentahil ta lec te muc'ul nación ini, xchihic me.

Proverbios 2:5

hich me yac ana' a te xi'el te Jehová soc hich me yac ana'be sba a te Diose.

Proverbios 15:32

Te mach'a mayuc scuentahil ta yo'tan te tojobtesel ha nix ya sp'aj sba, yan te mach'a ya ya'iy te tojobtesel ya sta sp'ijil yo'tan.

Proverbios 23:9

Ma me xc'opojat ta schiquin te mach'a ma sna' q'uinal, como ya me sp'ajbe sp'ijil te c'opetic awu'une.