Proverbios 1:6 - Bible in Tzeltal Bachajón

⁶ yu'un sna'beyel scuentahil tsahbil c'opetic soc sloc'omba c'op, te c'opetic yu'un p'ijil winic soc te bin chuhcul ta na'beyel suhtibe.

Bible in Tzeltal de Oxchuc y Tenejapa

⁶ swenta sna'el swentail te bitic yalojic te mach'atic p'ijique, soc te c'opetic yu'unic, soc te bitic seña-c'op ya yalic, soc te bila ya yalic te chujc'ul ta na'el sujt'ibe.

Proverbios 1:6 Referans Kwoze

Salmos 78:2

Ya xc'opojon ta tsahbil c'opetic; ya cal te bintic muquen ayic ta namey,

San Marcos 4:11

Hich halbotic yu'un te Jesús: Te ha'ex a'bibilex ana'ic te bin muquen ay yu'un te cuentahinel yu'un Dios; yan te mach'atic ayic ta fuera ha nax ta sloc'ombahil c'op ya xhalbot ya'iyic stuquelic,

Hebreos 5:14

Yan te mach'atic muq'uiquix ha ya xtuhun yu'unic te tulan we'elil, ha te mach'atic ta scuenta spasulanel la snopic stsahtayel te bintic lec soc te bintic ma lecuque.

Salmos 49:4

Ya cac' jchiquin a te tsahbil c'opetic; ya cal soc arpa cu'un te bin wocol ta na'ele.

San Marcos 4:34

Ma ba la sc'opon teme ma ha'uc ta sloc'ombahil c'op; pero te c'alal stuquel ay soc a te jnopojeletic yu'une, spisil la yalbe bin scuentahil.

Eclesiastés 12:11

Te c'opetic yu'un te mach'atic ay sp'ijil yo'tanic hich c'ohemic te bin ut'il ch'ix, te tsobil c'opetic hich c'ohemic te bin ut'il clavohetic te bajticlambilic ta lec, te la yich'ic halel yu'un jtuhl jcananchij.

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

2 Pedro 3:16

Hich la sts'ihbay ta spisil te cartahetic yu'une. Ay banti wocol ta na'beyel scuentahil, te ha yan sc'oblal ya xc'oht yu'un te mach'atic ma sna'ic q'uinal soc te xyahl xmo te yo'tanique, hich te bin ut'il ya spasbeyic te yan bintic ts'ihbalambil ta Shun Dios; ha me ch'ayel ya xbahtic yu'un.

Proverbios 24:23

Ha nix tsahbil c'opetic ini yu'un te mach'atic ay sp'ijil yo'tanic: Ma lecuc teme tsahbil nax mach'a ya x'ich'ot ta cuenta ta chahpajibal.

Daniel 8:23

C'alal nopol ya sta yorahil te ya xlaj te cuentahinel yu'unic, c'alal tohyix a te jc'axun-mandaretic, ya xchicnaj jtuhl ajwalil te toyba te sit yelaw, soc mero ya sna' lo'loywanej.