Proverbios 1:33 - Bible in Tzeltal Bachajón

³³ Pero te mach'a ya ya'iybon jc'op jun me yo'tan ya xcuxaj stuquel, mero jun yo'tan, ma ba ya xi' te bin chopol, xchi te p'ijil-o'tanile.

Bible in Tzeltal de Oxchuc y Tenejapa

³³ Pero te mach'a ya yaiybon te jc'ope, jun me yo'tan ya xcuxin jujun c'aal; ma ba ya xi' te bila amen ya xtal ta stojol stuquel”, xi' te p'ijil-o'tanile.

Proverbios 1:33 Referans Kwoze

Isaías 26:3

Ha'at yac awac' te lamal q'uinal ya ya'iy te mach'a spisil ora yac sna'belat, como ha smuc'ulinejat yo'tan.

San Lucas 21:9

Te c'alal yac awa'iyic te ay guerrahetic soc te ya xhahch c'op, ma me xaxi'ic, como ya sc'an te nahil hich ya xc'oht ta pasel, pero ma to ha'uc ya xtal a te slajibal c'ahc'al, xchi.

Proverbios 14:26

Te xi'el te Jehová tey ay a te yip te muc'ul-o'tanil, soc ha ahnibal ya xc'oht yu'un te yal-snich'nab.

Proverbios 9:11

Como ho'on ta jcuenta te ya xnahtij aworahil, bayel xan ha'bil ya xcuxajat a.

San Lucas 21:19

Ta scuenta bin ut'il ya xcuhch awu'unic, hich ya xcol ach'uhlelic yu'un.

Salmos 81:13

Te lajuc ya'iybon jc'op te pueblo cu'un, te lajuc st'umbon te behetic cu'un te Israel,

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Isaías 48:18

¡Te lajuc awich' ta cuenta te mandariletic cu'un, hich c'oht te lamal q'uinal awu'un te bin ut'il muc'ul-ha', soc te bin toj ta pasel awu'un hich c'oht te bin ut'il ya xbehen yip te mar te hichuque!

Proverbios 12:21

Ma xc'ax swocol ta stojol te mach'a toj yo'tan, yan te mach'atic chopol yo'tanic, ya x'a'bot bayel swocolic.

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Levítico 25:18

Ch'uhunahic spasel te mandariletic cu'un, c'ohtuc me ta pasel awu'unic te bintic caloj ta mandar, pasahic me, hich jun awo'tanic ya xnahinex ta q'uinal a.

Levítico 25:19

Ya me sitin te lumq'uinal, ya xwe'ex ha to c'alal ya xnoj ach'uhtic yu'un, soc jun awo'tanic ya xnahinex tey a.

Job 36:11

Teme ya ya'iyic soc ya yac' sbahic ta a'batinel yu'une, lec ya xc'ohtic te jayeb xan tiempo ya xcuxajic soc ay me yutsil ya xc'ax yu'unic te ha'biletique.

Isaías 32:17

Te bin ya yac' te bin stojil ta pasele, ha te lamal q'uinal, soc te bin ya xloc' yu'un te ya'tel te bin stojil ta pasel, ha te c'ux-o'tanil soc te jun yo'tan spisil ora.