Proverbios 1:32 - Bible in Tzeltal Bachajón

³² Como te mach'atic mayuc bin sna'ojic ya xmilotic yu'un te mayuc bin sna'ojic; soc te mach'atic ma sna'ic q'uinal ya xlajinotic yu'un te scuyoj te lec ayic.

Bible in Tzeltal de Oxchuc y Tenejapa

³² Te mach'atic ma'yuc bila sna'ojique, ja' nix ya xmilotic yu'un te ma'yuc bila sna'oje; ja' te mach'atic ma sna'ic q'uinale, ja' nix ya xlajinotic yu'un te bila ma ba la yich'ic ta wenta.

Proverbios 1:32 Referans Kwoze

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Hebreos 12:8

Yan teme ma ba yac awich'ic tojobtesel, hich te bin ut'il ya yich'ic spisilic, yu'un nix ma al-nich'anuquex abi.

Salmos 69:22

Te swe'elic scuenta q'uin ac'a sutp'ijuc ta schucojibal, te bintic lec yu'unic ac'a c'atp'ijuc ta yaquil.

Santiago 5:5

Lec cuxulex li' ta bahlumilal soc la apasic te bintic la smulan awo'tanic. La ajuhp'tes abahic yu'un te sc'ahc'alel miltamba.

Proverbios 1:22

Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Proverbios 8:5

Ha'ex te ma xana'ic q'uinal, nopahic stsahtayel abahic; ha'ex sonsohex, na'ahic me q'uinal.

Isaías 66:4

ha nix hich ya jtsahbe wocoletic yu'unic, soc ya jticon ta stojolic te bin ya xi'ique; como te c'alal la jquic', mayuc mach'a la sjac', c'opojon, mayuc mach'a la ya'iybon jc'op; ha la spasic te bin chopol ta jtojol soc la stsahic te bintic ma jmulan, xchi.

Deuteronomio 28:17

Chopol sc'oblal amoch soc te swots'ojibal harina awu'un.

Proverbios 2:18

Te sna te ants yac ta cohel bahel ta lajel, te behetic yu'un ya xbahtic ta banti ay mach'atic chamenic.

Proverbios 9:18

Pero ma ba ya sna'ic te tey ayic a te mach'atic chamenic, te mach'atic sjoquinejic, ayic ta sc'ubulil yawil te mach'atic chamenique.

Proverbios 10:21

Te ye te mach'a toj yo'tan, ya smac'lin tsobolic, yan te mach'atic ma sna'ic q'uinal, ya xchamic ta scaj te mayuc bin ya sna'ic stuquel.

Proverbios 14:16

Te mach'a p'ij yo'tan ya xi' te bin chopol, ya sq'uej sba ta stojol, yan te mach'a ma sna' q'uinal ya stoy sba soc ma ba ya stsahtay sba.

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!