Proverbios 1:23 - Bible in Tzeltal Bachajón

²³ Suhtanic tal ta stojol te tojobtesel cu'un, ya me jmal ta atojol te espíritu cu'un, ya ca'beyex ana'ic te bintic jnopoj.

Bible in Tzeltal de Oxchuc y Tenejapa

²³ Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Proverbios 1:23 Referans Kwoze

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Hechos 3:19

Ha yu'un suhtesa awo'tanic soc suhtanic tal ta stojol Dios scuenta yu'un ya yich' tup'el amulic; scuenta yu'un yacuc xloc' tal ta stojol Cajwaltic te yorahil ya xlecub cuxlejalil,

Joel 2:28

Ta patil ya jmal cohel te Espíritu cu'un ta stojol spisil ants-winiquetic, ya me yalic sc'op-jalwanej te aquerem-nich'nabic soc te awantsil-nich'nabic; te mamaletic awu'unic ay bin ya swayichtayic, soc te queremetic awu'unic ya me yilic nahalsitiletic.

Isaías 32:15

ha to c'alal ya yich' malel cohel tal ta jtojoltic te espíritu ay ta toyol. Hich ya xc'atp'uj ta lequil lum te jochol taquin q'uinal, soc te lequil lum hich ya xc'oht te bin ut'il tohyem te'etic.

Hechos 26:20

Ha nahil hahch calbe ya'iyic te mach'atic ayic ta Damasco, patil ta Jerusalén soc ta spahmal sq'uinal Judea, soc te jyanlumetic, te yacuc suhtes yo'tanic yu'un smulic soc te yacuc suhtic tal ta stojol Dios, soc te yacuc yaq'uic ta ilel ta scuenta ya'telic te suhtemix yo'tanique.

San Lucas 11:13

Te ha'ex te chopol awo'tanic, teme yac ana'ic ya'beyel lequil mahtanil te awal-anich'anic, ¿ha'uc to balix a te Atatic ay ta ch'ulchan ya ya'be te Ch'ul Espíritu te mach'atic ya xc'ambot yu'une? xchi.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Proverbios 12:1

Te mach'a c'ux ta yo'tan te tojobtesel, c'ux ta yo'tan te p'ijil-o'tanil, yan te mach'a ya sp'aj te tsitsel ma sna' q'uinal.

Isaías 45:8

Ha'at, ch'ulchan, ac'a cohuc tal ha'al c'alal ta toyol, te tocaletic ac'a cohuc tal te bin toj ta pasele; ac'a jahmuc te lumq'uinal, ac'a sitinuc te colel, pajal ac'a coluc soc te bin toj ta pasele. Ho'on Jehovahon la jpas ini.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Proverbios 10:17

Te mach'a ya yich' ta cuenta te tojobtesel, ay ta sbehlal cuxlejal; yan te mach'a ya sp'aj te tojobtesel, ya xhowiy bahel.

Salmos 145:1

Ya jtoybat ac'oblal, Dios cu'un, Ajwalil cu'un, ya calbe yutsil sc'oblal abihil ta spisil ora soc sbahtel q'uinal.

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Jeremías 3:14

Suhtanic talel, toyba al-nich'anex, xchi te Jehová, como ho'on amamalalon; ya me quiq'uex, jujutuhl ta jujun pueblo soc cha'cha'tuhl ta jujuchahp ats'umbal, ya quiq'uex talel ta Sión.

Proverbios 1:30

ma ba la sc'anic te bin ya ca'be sna'ic soc la sp'ajic spisil te tojobtesel cu'une,

Proverbios 6:23

Como ha tsumbil c'ahc' te mandariletic, ha sacal q'uinal te jnohptesel, soc ha sbehlal cuxlejal te tojobteseletic,

Proverbios 1:25

La ap'ajic spisil bintic ya ca'beyex ana'ic soc ma la ac'an te tojobtesel cu'une.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

Joel 2:27

Ya me ana'ic te ayon ta yohlil te Israel, soc te ho'on Jehovahon te Dioson awu'unic, mayuc yan; mayuquix bin ora ya xtahot yu'un q'uexlal te pueblo cu'une.

Joel 3:1

Ta hich sc'ahc'alel soc ta hich ora, te c'alal ya ca'be xan yutsil slequil te Judá soc te Jerusalén,