Proverbios 1:22 - Bible in Tzeltal Bachajón

²² Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Bible in Tzeltal de Oxchuc y Tenejapa

²² “Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Proverbios 1:22 Referans Kwoze

Proverbios 5:12

te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Proverbios 1:29

ta scaj te la yihlayic te p'ijil-o'tanil, soc ma ba la stsahic te ya yich'ic ta muc' te Jehová;

Salmos 1:1

Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

2 Pedro 3:3

Te bin bayel sc'oblal, ha te yac ana'ic te ta slajibal c'ahc'al ya me xtal jlabanwanejetic te ya spasic te bintic chopol ya smulanic,

San Juan 3:20

Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique.

San Lucas 19:42

hich la yal: ¡Te ayuc bin ut'il la ana' ta c'ahc'alel ini bin ut'il ya xlahmaj q'uinal awu'un! Pero yo'tic macbil ta asit, ma ba yac awil.

San Mateo 9:13

Bahanic, nopahic bin scuentahil te hich halbil: Ha ya jc'an te yac awa'iyic c'uxultaywanej, ma ha'uc ya jc'an milbil mahtanil, te xchihe. Como ma ha'uc tal quic'ticlan te mach'atic toj yo'tanic, ha tal quic' te jmulawiletique, xchi.

Proverbios 21:11

Te c'alal ya yich' castigo te jlabanwanej, hich ya xp'ijub a te mach'a ma sna' q'uinal; c'alal ya yich' tsitsel te mach'a p'ij yo'tan, ya snop xan te bin ay ta na'ele.

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

San Mateo 17:17

La sjac' te Jesús: ¡Jcaj ts'umbalilex te mayuc sch'uhunel awo'tanic soc chopolex! ¿Jayeb xan c'ahc'al ya sc'an ya joquinex? ¿Jayeb xan c'ahc'al ya sc'an ya xcuhch cu'un ta atojolic? Ic'bonic tal te quereme, xchi.

Proverbios 19:29

Chapalix te castigo ya yich' te jlabanwanejetic, soc ya yich' majel ta spat te mach'atic ma sna'ic q'uinal.

Proverbios 15:12

Te jlabanwanej ma lecuc yo'tan yu'un te mach'a ya xtsitsot yu'un; ma ba ya sjoquin te mach'atic p'ij yo'tanique.

Proverbios 14:6

Te jlabanwanej ya sle p'ijil-o'tanil, pero ma ba ya sta ta lehel, yan te mach'a ya sna' q'uinal, ma ba wocol ya sta te p'ijil-o'tanile.

Proverbios 8:5

Ha'ex te ma xana'ic q'uinal, nopahic stsahtayel abahic; ha'ex sonsohex, na'ahic me q'uinal.

Proverbios 7:7

ta yohlil te mach'atic ma sna'ic q'uinal, la jquil ta yohlil te queremetic jtuhl querem te mayuc snopojibal yu'un.

Proverbios 6:9

Ha'at te ch'ajat, ¿jayeb xan ora ya xwayat? ¿Bin ora ya xhahchat ta wayel?

Proverbios 3:34

Ya slaban te jlabanwanejetc, soc ya sc'uxultay te mach'atic peq'uel yo'tanique.

Proverbios 1:7

Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Proverbios 1:4

scuenta ya'beyel sp'ijil yo'tanic te mach'atic mayuc bin ya sna'ic, soc ya'beyel sna'ojibal soc yu'un ya sna' stsahtayel sbahic te queremetique.

Salmos 94:8

¡Na'beya scuentahil, ha'ex ta pueblo te ma xana'ic q'uinal! Ha'ex sonsohex, ¿bin to ora yac atahic sp'ijil awo'tanic?

Job 34:7

¿Mach'a winiquil te pajal soc Job, te ya yuch' tse'layel hich te bin ut'il ha',

Números 14:27

¿Jayeb xan tiempo ya xcuhch cu'un te chopol pueblo ini te ya scontrac'optayonic? La jca'iybeyix te spartehic te snich'nab Israel te la yalbonique.

Éxodo 16:28

Te Jehová hich la yalbe te Moisés: ¿Bin to ora yac ach'uhumbonic te mandariletic cu'un?

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Proverbios 1:21

Ya x'awon ta banti bayel mach'atic ya stsob sbahic, ta ochibaletic yu'un te pueblo ya yal te bin snopoje:

Proverbios 1:32

Como te mach'atic mayuc bin sna'ojic ya xmilotic yu'un te mayuc bin sna'ojic; soc te mach'atic ma sna'ic q'uinal ya xlajinotic yu'un te scuyoj te lec ayic.

Proverbios 21:24

Ha jlabanwanej sbihil te mach'a ya stoy sba te ya spas te bin scuenta toybahil.

Proverbios 22:3

Te mach'a p'ij yo'tan ya yil te bin chopol, ya snac' sba ta stojol, yan te mach'a ma p'ijuc yo'tan ya xc'ax xan bahel, ya xc'ax swocol yu'un.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.