Proverbios 1:13 - Bible in Tzeltal Bachajón

¹³ Bayel ta chahp c'ulejaliletic ya jtahtic tey a, ya jnojestic ta pojbil biluquetic te jnatique.

Bible in Tzeltal de Oxchuc y Tenejapa

¹³ Bayal me ta jchajp c'ulejaliletic ya jtatic tey a, ya jnojestic ta puro elc'anbil biluquetic te jnatique.

Proverbios 1:13 Referans Kwoze

San Lucas 12:15

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

Hageo 2:9

Te yutsilal te schebal Na ini c'ax hich yutsilal ya xc'oht a te bin ut'il te Na ta nahil, xchi te Jehová te scuentahinej spisil; soc ya cac' lamal q'uinal li' ta lugar ini, xchi te Jehová te scuentahinej spisil.

Nahúm 2:12

Te choj bayel swe'el la stsacbe te alal chojetic yu'un, la sbutsticlambe te me' chojetic yu'un, noj ta ti'bal te ch'enetic yu'un, noj ta yelec' te yawilique.

Proverbios 1:19

Hich ya xc'ohtic te jbic'tal-o'tanetic, ha nix ya xlajinotic yu'un.

Proverbios 1:12

cuxul me ya jbic'ticlantic hich te bin ut'il te yawil mach'atic chamenic, ya jbic'ticlantic scohtol hich te bin ut'il te mach'atic ya xch'ayic cohel ta xahab.

Proverbios 1:14

La', joquinawotic, junax jbiluctic ta jpisiltic, teme xchihique,

Proverbios 16:19

Ha lec xan te peq'uel yo'tan ta yohlil te pobrehetic te bin ut'il spuquel bintic pojbil ta stojol mach'atic jtoybahetique.

Amós 3:9

Pucahic ta halel ta tulan ts'ahquetic yu'un Asdod soc ta tulan ts'ahquetic yu'un te sq'uinal Egipto, hich me xawalbeyic: Tsoba abahic ta witsiltic yu'un Samaria, ilawilic te bayel c'op ta yohlil soc te uts'inel tey a.

Amós 3:10

Ma sna'ic spasel bin toj, xchi te Jehová; ya stsobic ta tulan ts'ahquetic yu'unic bintic elc'ambil soc te bintic pojbile.