Proverbios 1:11 - Bible in Tzeltal Bachajón

¹¹ Teme ya yalbat: La', joquinawotic; ya ca'iytic macliwanej yu'un ya ca'iytic milaw, ya jmacliytic te mach'a mayuc smul;

Bible in Tzeltal de Oxchuc y Tenejapa

¹¹ Teme jich ya yalbat: “La', t'unawotic, ya jpastic pejts' ta swenta nax sc'anjel co'tantic, swenta yu'un ya jmiltic mach'auc ch'ayal yo'tan ya xc'ax.

Proverbios 1:11 Referans Kwoze

Jeremías 5:26

Como ta yohlil te pueblo cu'un ay mach'atic chopol yo'tanic, te hich ya xmacliywanic te bin ut'il mach'atic ya stsaquic mutetic, ya yaq'uic yaquil yu'un ya stsaquic ants-winiquetic.

Proverbios 1:18

Pero te winiquetic ini ha'ic nix ya smacliyic sch'ich'elic, ha'ic nix ya smil sbahic.

Proverbios 12:6

Te sc'opic te mach'atic chopol yo'tanic ha yaquil yu'un milaw, yan te sc'op te mach'atic toj yo'tanic ya x'ac'awan ta libre.

Hechos 25:3

La yalbeyic wocol te yacuc sticon ta iq'uel tal ta Jerusalén te Pablo, yu'un schapoj sc'opic te ya smilic ta be.

Hechos 23:15

Yo'tic te ha'ex soc te jchahpanwanejetic c'ambeyahic te comandante te yacuc yic' tal ta atojolic pajel te Pablo, sjel te ay bin yac ajoc'obeyic xan; te ho'otcotic chapalotcotic te ya jmilcotic c'alal ma to xc'oht a, xchihic.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Jeremías 11:19

Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Proverbios 30:14

Ay mach'atic te ha espada c'ohem te yehic soc te scha'am hich c'ohem te bin ut'il cuchillo yu'un ya slajin a te pobrehetic soc te mach'atic mayuc bin ay yu'unic.

Proverbios 1:16

como ya x'ahnimajic ta stojol bin chopol, ya suj sbahic ta smalel ch'ich'.

Salmos 56:6

Ya stsob sbahic ta schapel, ya snac' sbahic, t'ojol sitic yilbelonic banti ya xbohon, yac smahliybelic te bin ora ya xhu' ya smilonic.

Salmos 35:7

Como mayuc scuentahil te la snac'bonic jyacol, mayuc scuentahil la sjoc'bonic jch'enal.

Salmos 17:12

Hich ayic te bin ut'il choj te ya sc'an ya stsac swe'el, hich te bin ut'il jcolel choj te ya spahcan sba ta stsaquel swe'el.

San Juan 15:25

Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

Proverbios 24:15

Ha'at te chopol awo'tan, ma me xamacliy ta sna te mach'a toj yo'tan, ma me xapojbe sbiluc te banti nahinem;

Proverbios 29:24

Te mach'a jun yo'tan sba soc te j'elec' ha nix ya scontrahin sba; aunque ya ya'iy te chopol sc'oblal ya xc'oht, ma ba ya yalbe smul te j'eleq'ue.