Oseas 9:4 - Bible in Tzeltal Bachajón

⁴ Ma ba ya smalic malbil mahtaniletic ta stojol Jehová, soc ma ba lec yo'tan Jehová yu'un te chic'bil mahtaniletic yu'unique. Ha pan yu'un mel-o'tan ya xc'oht yu'unic, spisil te mach'atic ya swe'ic ya xbohlob sc'oblalic yu'un. Ha nix yu'unic ya xc'oht te pan, ma ba ya x'och ta sna Jehová.

Bible in Tzeltal de Oxchuc y Tenejapa

⁴ Ma ba ya smalbeyic vino ta swenta yich'el ta muc' te Cajwaltique; soc ma xyac'beyic milbil majt'anil yu'unic tey a. Te we'elil ya swe'ique jich c'oem te bit'il yu'un we'elil xc'uxulil mel-o'tan te bit'il ay mach'a laje, te mach'a ya swe' ya me xbolob sc'oplal yu'un. Ja'ic me ya swe'ic te we'elil te ya xbolteswane; ja'uc me to, ma xju' ya yich'ic bael ta templo yu'un te Cajwaltique.

Oseas 9:4 Referans Kwoze

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

Jeremías 6:20

¿Bin stuc cu'un te pom yu'un Sabá o te chi'il jalal te ya xtal ta namal q'uinal? Ma ba ya jtsac te scohtol chic'bil mahtaniletic awu'unic, soc ma lecuc co'tan yu'un te chic'bil mahtaniletic awu'unic, xchi te Jehová.

Deuteronomio 26:14

Mayuc jwe'oj te bin ch'ultesbil te c'alal yacon ta mel-o'tan yu'un a te mach'a cham, mayuc jwe'oj te c'alal ma lecuquix jc'oblal, soc mayuc ca'beyej smahtanin te mach'atic chamenique. La jch'uhumbe sc'op te Jehová te Dios cu'un, jpasojix spisil te bintic apasojon ta mandar.

Joel 2:14

¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Oseas 3:4

Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Ezequiel 24:17

Ahcanajan ta muquen, ma me x'oc'at yu'un te mach'a chamene. Chuca spohtsil ajol, lapa atep, ma me xamac awelaw soc ma me xawe' te pan yu'un mel-o'tan, xchi.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

Malaquías 2:13

Pero ay to yantic te bintic yac apasic: yac awahts'es ta ya'lel asitic te scajtajib ta chiq'uel mahtanil yu'un Jehová, ya x'oq'uex soc ya x'ahcanajex, yu'un ma ba ya quilix te mahtanil, ma ba tse'el co'tan ya jtsacbeyex ta ac'abic.

Amós 5:22

Teme yac awa'bonic te chic'bil mahtaniletic soc te mahtaniletic harina, ma ba ya jtsacbeyex, soc ma ba ya quil te mahtaniletic scuenta lamal q'uinal yu'un te juhp'en chambahlametic awu'unique.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Ezequiel 24:22

Hich yac apasic te bin ut'il la jpas ho'on: ma ba yac amuc awelawic soc ma ba yac awe'ic pan yu'un mel-o'tan;

Isaías 66:3

Te mach'a ya yac' toro scuenta milbil mahtanil hich c'ohem te bin ut'il mach'a ya smil jtuhl winic; te mach'a ya yac' tuminchij scuenta milbil mahtanil hich c'ohem te bin ut'il mach'a ya swac'be snuc' ts'i'; te mach'a ya yac' harina scuenta mahtanil hich c'ohem te bin ut'il mach'a ya yac' mahtanil sch'ich'el chitam; te mach'a ya schic' pom hich c'ohem te bin ut'il mach'a ya sch'uhuntay loc'omba. Ha nix la stsahic te behetic yu'unic, soc la smulanic te bintic ihlaybilic,

Isaías 57:6

Te sch'ulet tonetic ta sjuclej ha te bintic awu'un ya xc'oht, ha te bintic yac awich'ique; la awaq'uic malbil mahtanil ta stojolic soc la awa'beyic smahtanin harina. ¿Ma bal yacuc ca'be castigo yu'un spisil ini?

Números 28:2

Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.

Levítico 21:21

Ma me ayuc jtuhluc te sts'umbal sacerdote Aarón te ay bin jihnem yu'un te ya xhu' ya xnohpoj tal ta yaq'uel te chic'bil mahtaniletic ta stojol Jehová. Ay bin jihnem yu'un, ma me xnohpoj tal ta yaq'uel te we'elil yu'un te Dios yu'une.

Levítico 21:17

Halbeya te Aarón: Ni jtuhluc te ats'umbal ta cajalcaj bahel te ay banti ma lecuc sbaq'uetal te ya xnohpoj tal ta yaq'uel te we'elil yu'un te Dios yu'une.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Levítico 21:6

Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Levítico 17:11

Como ay ta ch'ich' te scuxlejal, soc ho'on la jca'beyex te ch'ich' scuenta stojel mulil awu'unic ta scajtajib ta chiq'uel mahtanil; ha nix te ch'ich' te ya stojbe smul.

Éxodo 40:23

tey la scholticlan a te pan ac'bil ta stojol Jehová, hich te bin ut'il halbot yu'un Jehová te Moisés.

Números 19:11

Te mach'a ya spic te mach'a chamen, bohloben sc'oblal huqueb c'ahc'al.

Números 4:7

Ya smuquic ta yaxal pac' te mesa yu'un te pan ac'bil ta stojol Dios, ta sba ya spahchan te platohetic, cucharahetic, tazahetic, soc te yawilic te mahtanil ya yich' malel; soc tey ya xhil a ta pan ta spisil ora.

Éxodo 29:40

Ya me awa'be sjoquin te jujucoht tuminchij cheb litro lequil harina capal soc jun litro aceite yu'un p'ebil olivahetic; soc jun litro vino scuenta malbil mahtanil.

Jeremías 16:7

Mayuc mach'a ya ya'be we'elil scuenta smuc'ubtesel q'uinal ya'iyic mach'atic ayic ta mel-o'tan yu'un te mach'a chamen yu'unic, soc mayuc bin ya x'a'bot yuch'ic scuenta smuc'ubtesel q'uinal ya'iyic yu'un te stat o te snane.

Daniel 1:8

Pero te Daniel la snop ta yo'tan te ma ba ya sbohlobtes sba yu'un te we'elil soc te vino ya yuch' te ajwalile. Ha yu'un la sc'ambe te jtsobaw yu'un te eunucohetic te manchuc ya sujot ta sbohlobtesel sba.

Joel 1:9

Ch'ay bahel ta sna Jehová te mahtanil harina soc te malbil mahtanil; te sacerdotehetic te ya x'a'tejic ta stojol Jehová ayic ta mel-o'tan.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.