Oseas 9:3 - Bible in Tzeltal Bachajón

³ Ma ba ya xhilic ta sq'uinal Jehová, te Efraín ya suht bahel ta Egipto, soc ta Asiria me ya swe'elin we'elil te bohloben sc'oblale.

Bible in Tzeltal de Oxchuc y Tenejapa

³ Efraín ya sujt' bael ta Egipto, soc ta Asiria ya me swe'elin we'elil te ilaybile. Ma me xju' ya x'ainic xan ta bay slum-sq'uinal te Cajwaltique.

Oseas 9:3 Referans Kwoze

Ezequiel 4:13

La yal te Jehová: Hich te snich'nab Israel, ta yohlil te nacionetic te banti ya jpucticlan bahel, ya swe'ic we'elil te bohloben sc'oblal, xchi.

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

Levítico 25:23

Te q'uinal ma xhu' ta chonel ta jc'axel, como ho'on cu'un te q'uinale; te ha'exe jbehyom soc jyanlum c'ohemex ta jtojol.

Jeremías 2:7

Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.

Oseas 7:11

Te Efraín hich c'ohem te bin ut'il stsuhmut, ma sna' q'uinal: ya yawtay Egipto, ya xbaht ta stojol Asiria.

Daniel 1:8

Pero te Daniel la snop ta yo'tan te ma ba ya sbohlobtes sba yu'un te we'elil soc te vino ya yuch' te ajwalile. Ha yu'un la sc'ambe te jtsobaw yu'un te eunucohetic te manchuc ya sujot ta sbohlobtesel sba.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

2 Reyes 17:6

Ta sbalunebal ha'bil yu'un te Oseas, te ajwalil yu'un Asiria la yich' te Samaria. La yic'ticlan bahel ta chuquel ta Asiria te israeletique. La yac'ticlan nahinicuc ta sq'uinal Halah, ta ti'ti'ha' Habor te muc'ul-ha' ta Gozán, soc ta pueblohetic yu'un te medohetique.

1 Reyes 9:7

ya jloq'ues te Israel tey ta q'uinal te ca'beyeje. Soc te Na ini te la jch'ultes scuenta jbihil ya jch'oj loq'uel ta jtojol, soc te Israel ya xhahch labanel c'op ta stojol soc ya x'och ta labanel yu'un spisil pueblohetic.

Deuteronomio 28:63

Hich te bin ut'il tse'el yo'tan Jehová te la ya'beyex awutsilalic soc te la yac' p'ohluquex, ha nix hich tse'el yo'tan ya sjinex soc ya slajinex; yac awich'ic bulel loq'uel tey ta q'uinal banti ya x'och awu'untayic.

Deuteronomio 4:26

ya cac' ta testigo te ch'ulchan soc bahlumilal te ora me ya xch'ayex ta q'uinal te yac awu'untayic te c'alal ya sohlex bahel ta Jordán. Ma me haluc c'ahc'al ya x'ayinex tey a, ya me awich'ic lajinel ta jc'axel.

Hechos 10:14

La yal te Pedro: Ma'uc, Cajwal, mayuc jwe'oj te bin ma lecuc sc'oblal o te bohloben sc'oblal, xchi.

Miqueas 2:10

Hahchanic, behenanic, como ma ha'uc lugar yu'un cux-o'tanil ini, yu'un bohlobenix, jc'axel jihnemix.

Oseas 11:11

Yaquic ta nihquel a ya xloq'uic tal ta Egipto hich te bin ut'il ha'mal mutetic, ya xloq'uic tal ta Asiria hich te bin ut'il stsuhmutetic; ya cac' te ya xnahinic ta snahic, xchi te Jehová.

Oseas 11:5

Ma ba ya suhtic bahel ta sq'uinal Egipto, ha ajwalil ya xc'oht yu'unic te Asiria, como ma ba la sc'anic suhtic tal ta jtojol.

Oseas 9:6

Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.

Josué 23:15

Pero hich te bin ut'il c'ohtix ta pasel spisil te bin lec la yalbeyex te Jehová, te Dios awu'unic, ha nix hich te Jehová ya me yac' tal ta atojolic spisil te bintic chopol, ha to teme ya stup'ex bahel ta lequil q'uinal te la ya'beyex te Jehová te Dios awu'unic

Deuteronomio 28:68

Te Jehová ya me yac' suhtat bahel ta barcohetic ta Egipto, tey nix ta be te hich la yalbe sc'oblal: Ma jaymehl ya suhtat xan bahel tey a, te xchihe. Tey yac awac' abahic ta chonel ta stojol a te acontrahic scuenta mosohil winiquetic antsetic, pero mayuc mach'a ya smanex, xchi te Moisés.

Levítico 20:22

Ch'uhunahic spasel spisil te bintic chapal cu'un soc te bintic caloj ta mandar; a'telinahic spasel, scuenta yu'un ma ba ya xehtayex loq'uel te q'uinal banti ya quiq'uex ochel ta nahinel.

Levítico 18:28

Ma me xehtayex loq'uel te lumq'uinal ta scaj te la abohlobtesic, hich te bin ut'il la xe'tayix loq'uel te mach'atic nahil nahinic tey a.

Lamentaciones 5:6

La jach jc'abcotic ta stojol te egipciohetic soc asiriahetic yu'un ya jtahcotic jwe'elcotic.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

Amós 7:17

Ha yu'un hich yaloj te Jehová: Te awihnam ha j'antsinel ants ya xc'oht ta yohlil te muc'ul pueblo, te ach'ix-queremetic awu'un ya me xlajic ta espada soc te aq'uinal ya me yich' puhquel ta scuenta spasel seña ta na'el; te ha'at ya me xchamat ta q'uinal te ma lecuc sc'oblal, soc te Israel chucul ya x'ic'otic bahel, namal ya xhil sq'uinalic, xchi.