Oseas 8:8 - Bible in Tzeltal Bachajón

⁸ ¡Lajimbil ya xc'oht te Israel! yo'tic ay ta yohlil te nacionetic hich te bin ut'il vasija te mayuc sc'oblal.

Bible in Tzeltal de Oxchuc y Tenejapa

⁸ Te Israel tsalotix ta jc'axel. Ya x'ilot yu'un te yantic nacionetique, jich me c'oem ta sitic te bila ma'yuquix sc'oplale.

Oseas 8:8 Referans Kwoze

Jeremías 22:28

Te winic Jeconías, ¿ha bal q'uib te p'ajbil soc wuybil? ¿Ha bal te bin mayuc mach'a ya sc'ane? ¿Bin yu'un te ch'ojot bahel soc snich'nab, te ch'ojotic bahel ta q'uinal te ma sna'beyic sbahe?

Jeremías 51:34

Te Nabucodonosor ajwalil yu'un Babilonia la slajinon, la sesenon. Jochol la yihquitayon hilel hich te bin ut'il vaso; la sbic'on hich te bin ut'il dragón, la snojes sch'uht ta bintic mulantic sba cu'un, la xetayon.

Romanos 9:22

¿Ha xan teme Dios, te bin ut'il la sc'an ya yac' ta ilel te yilimba soc te ya yac' ta na'el te yu'el, te cuhch yu'un te bayel la smahliy te vasohetic te ihlaybil yu'un, te chapal ya yich' jinele?

Ezequiel 36:3

ha yu'un hich xawalbe sc'op-jalwanej: Hich yaloj te Jehová, te Ajwalil: Te bin ut'il jochol hilat yu'unic soc te la sjinex ta bayuc scuenta yu'un la yu'untayex te yantic nacionetic, soc te la awich'ic labanel soc p'ajel yu'un te pueblohetic,

Lamentaciones 2:16

Spisil te acontratac ya sjam yehic ta atojol, ya slabanex soc ya sc'uxuxan yehic, hich ya yalic: ¡La jlajintic! Ha te sc'ahc'alel te la jmahliytic; la jtahtiquix, la jquiltiquix, xchihic.

Lamentaciones 2:5

Te Cajwaltic hich c'oht te bin ut'il contra, jc'axel la sjin te Israel; la sjinticlan cohel spisil te nahetic yu'un ajwalil, la sjimbe cohel te ahnibal ts'ahquetic yu'un, soc la yac' p'ohluc te mel-o'tan soc oq'uel ta stojol te yantsil-nich'an Judá.

Lamentaciones 2:2

Te Cajwaltic la sjin, ma ba la sna'be yo'bolil sba; soc sc'ahc'al yo'tan la sjinticlan spisil te nahilpaq'uetic yu'un Jacob; la sjin cohel ta lum te ahnibal ts'ahquetic yu'un te Judá; la spehc'an te ban c'alal scuentahinej soc te príncipaletic yu'une.

Jeremías 50:17

Te Israel ha jtsohb tuminchijetic te puhquemic ta bayuc yu'un chojetic. Ha nahil lajinotic yu'un te ajwalil yu'un Asiria; ta slajibal wac'ticlambot sbaquel yu'un Nabucodonosor ajwalil yu'un Babilonia.

Jeremías 48:38

Ta spisil te ba nahetic yu'un Moab soc ta spisil te callehetic yu'une, puro oq'uel, como la jwuy te Moab hich te bin ut'il oxom te mayuc mach'a ya sc'an, xchi te Jehová.

Isaías 30:14

Hich ya xwuy te bin ut'il pac'bil oxom, hich jc'axel ya xbusq'uij te mayuquix xeht'elul ya xhil te ya xtuhun ta sloq'uesel ac'al ta yawil c'ahc', o ta sloq'uesel ha' ta pozo a, xchi te Diose.

2 Reyes 18:11

Te ajwalil yu'un Asiria la yic'ticlan bahel ta chuquel te israeletic ta Asiria, la yac'ticlan ta nahinel ta Halah, ta sti'il muc'ul-ha' Gozán ta Habor, soc ta pueblohetic yu'un te medohetic,

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Jeremías 25:34

¡Oc'anic, jcanan-tuminchijetic, awonanic! ¡Bahlana abahic ta sts'ubil lum, ha'ex jtsobawex yu'un te jtsohb tuminchijetic! yu'un c'ohtix yorahil te yac awich'ic milel soc puhquel bahel. Ya me xyahlex hich te bin ut'il t'ujbil vaso.

Lamentaciones 5:2

Te bintic ay cu'uncotic c'axic bahel ta sc'ab yantic, te jnahcotic c'axic bahel ta sc'ab jyanlumetic.

Lamentaciones 4:2

Te yal-snich'nab Sión te lec ta o'tanil, te c'ax hich ich'bil ta cuenta a te bin ut'il lequil oro, ¡yo'tic hich c'ohemic ta o'tanil te bin ut'il pac'bil oxometic, te ha ya'tel jpac'ojom!