Oseas 8:6 - Bible in Tzeltal Bachajón

⁶ Como ha nix yu'un Israel te jcolel toro; pasbil yu'un mach'a ya sna' spasel, ma ha'uc Dios te toro. Ha yu'un ya me yich' wuyel te jcolel toro yu'un Samaria.

Bible in Tzeltal de Oxchuc y Tenejapa

⁶ Te sloc'omba alal wacax yu'un Samaria, ma Diosuc, pastaj ta sc'ab jtul winic te ya sna' spasele. Wuyultic nax me ya xc'ot ta loq'uel.

Oseas 8:6 Referans Kwoze

Hechos 19:26

pero awilojic soc awa'iyejic te Pablo la yac' te parte ya yac' sbahic bayel ants-winiquetic ta scuenta te bin ya yac' ta nopel, ma ha'uc nax li' ta Éfeso, jteb ma spisiluc te Asia; ha ya yal te ma ha'uc diosetic te bin ya yich' pasel ta c'abal.

Hechos 17:29

Ha yu'un, te bin ut'il ha sts'umbalotic te Diose, ma me jcuytic te Dios te ha pajal soc oro, o plata o ton, te ha loc'omba pasbil ta sc'ab winiquetic te hich nax la snop shachel.

Habacuc 2:18

¿Bistuc te loc'omba te pasbil yu'un te mach'a ya sna' spasel, te uhltesbil loc'omba te ya yac' ta nopel lot, yu'un ha ya smuc'ulin yo'tan te ya'tel ta spasel loc'ombahetic te ma xc'opojique?

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Jeremías 10:14

Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

2 Crónicas 31:1

C'alal laj ta pasel ini, spisil te israeletic te tey ayic a bahtic ta pueblohetic yu'un Judá, la swuyic te ch'ultesbil tonetic, la sjinticlanic te loc'ombahetic yu'un Asera, te toyol awilaletic soc te scajtahib ta chiq'uel mahtaniletic ta spisil sq'uinal Judá soc Benjamín, soc nix ta Efraín soc Manasés, ha to c'alal laj spisil. Patil suhtic bahel spisil te israeletic ta pueblohetic yu'unic, jujutuhl ta sq'uinalic.

2 Reyes 23:19

Te Josías ha nix hich la sloq'ues spisil te nahetic yu'un te toyol awilaletic te ayic ta Samaria, te la yich'ic pasel yu'un te ajwaliletic yu'un Israel, te hich la shachbeyic yilimba a te Jehová, la spasticlambe hich te bin ut'il la spas ta Bet-el.

2 Reyes 23:15

Ha nix hich te scajtajib ta chiq'uel mahtanil ta Bet-el soc te lugartic spasoj te Jeroboam snich'an Nabat, te la ya'be sta smul a te Israel, la schic', la sutp'in ta tan soc la ya'be sc'ahc'al te sloc'omba Asera.

Jeremías 48:13

Hich te Moab ya xq'uexawan yu'un te Quemos, hich te bin ut'il Israel q'uexawan yu'un Bet-el, te ha smuc'ulinej yo'tan.

Oseas 13:2

Yacalic ta spasel xan mulil ta ora ini; ya spasic loc'ombahetic ta uhltesbil plata, ha chican bin yilel ya smulan yo'tan, ¡spisilic ha ya'tel mach'atic ya sna'ic spasel! Hich ya xhalbot sc'oblalic: Te mach'atic ya yaq'uic chic'bil mahtaniletic, ya yuhts'uyic torohetic, xchi sc'oblalic.

Oseas 14:3

Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

2 Crónicas 13:8

Yo'tic awo'tanuc yac acontrahinic te cuentahinel yu'un Jehová te ay ta sc'ab te sts'umbal David, como bayelex soc awich'ojic te jcolel torohetic pasbilic ta oro te la yac' scuenta diosetic te Jeroboam.

Miqueas 1:7

Spisil te ch'ultesbil te'etic yu'un ya yich'ic wuyticlanel, ya yich'ic chiq'uel spisil te mahtaniletic yu'un, soc ya jinticlan spisil te loc'ombahetic yu'une, como la stsobticlan ta scuenta stojol j'antsinel antsetic, soc ha nix stojol j'antsinel antsetic ya yich' tuhunel yan buelta.