Oseas 8:4 - Bible in Tzeltal Bachajón

⁴ La ya'be ya'telic ajwaliletic, pero ma ha'uc te tsahbil cu'une; la slehic príncipaletic, pero ma ba jna'oj. La spasic loc'ombahetic yu'unic ta plata soc ta oro, ha nax ya sjin sbahic a.

Bible in Tzeltal de Oxchuc y Tenejapa

⁴ “Mero ma la yich'onic ta wenta te la snajc'anic muc' ajwaliletic yu'unic, soc te la sleiquix ch'in ajwaliletic te ma ba caiyoj stojole. La stsaquiquix te plata te oro yu'unic ta swenta spasel yajcananic; ja' nax ya sjin sbaic a.

Oseas 8:4 Referans Kwoze

Oseas 13:2

Yacalic ta spasel xan mulil ta ora ini; ya spasic loc'ombahetic ta uhltesbil plata, ha chican bin yilel ya smulan yo'tan, ¡spisilic ha ya'tel mach'atic ya sna'ic spasel! Hich ya xhalbot sc'oblalic: Te mach'atic ya yaq'uic chic'bil mahtaniletic, ya yuhts'uyic torohetic, xchi sc'oblalic.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

1 Reyes 16:31

Ma tic'uc la ya'iy a te la st'un te muliletic yu'un te Jeroboam snich'an Nabat, ha nuhpun soc Jezabel yantsil-nich'an Et-baal ajwalil ta Sidón. Hich baht yac' sba ta a'batinel ta stojol Baal soc la sch'uhuntay.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

1 Reyes 12:28

Te c'alal la ya'iybe sc'op te j'ac'-o'taniletic, la spas cheb jcolel torohetic ta oro, soc hich la yalbe te pueblo: Tic'aniquix a te ya xmohex bahel ta Jerusalén. Li' ay te diosetic awu'unic, Israel, te la sloq'uesex tal ta sq'uinal Egipto, xchi.

San Lucas 13:27

Pero hich me ya yalbeyex: Ya calbeyex te ma jna' banti talemex; loc'anic ta jtojol apisilic te chopol awa'telique, ya me yutex.

San Lucas 13:25

Teme hahchemix te yajwal na soc la smac te ti'nahil, ya me xhilex ta c'op ta fuera: Cajwal, Cajwal, jambotcotic, xchihex. Ma jna' banti talemex, ya me yutex.

San Mateo 25:12

Pero la sjac': Jamal ya calbeyex te ma jna'beyex abahic, xchi sc'oblalic.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

1 Reyes 13:34

Ha mulil c'oht yu'un te sts'umbal Jeroboam, te ha ta scuenta te la yich' tup'el soc lajinel ta bahlumilal.

Jeremías 16:20

¿Ya bal xhu' ya spas dios te winique? Pero ma ha'uc diosetic, xchihic me.

Daniel 3:1

Te ajwalil Nabucodonosor la pas jun muc'ul loc'omba ta oro, oxwinic (60) xuhc'ubil stoyolil soc waqueb xuhc'ubil sjamalil. La stehc'an ta spamlej yu'un Dura, ta jsehp q'uinal yu'un Babilonia.

Oseas 8:3

Pero te Israel la sp'aj te bin lec, ya xnutsot yu'un scontra.

Oseas 13:1

C'alal c'opoj te Efraín, ayin xiwel; toybot sc'oblal ta Israel, pero la sta smul ta scuenta Baal, hich cham.

Oseas 13:11

Soc quilimba la jca'bat ajwalil, soc sc'ahc'al co'tan la jloq'uesbat.