Oseas 8:10 - Bible in Tzeltal Bachajón

¹⁰ Aunque la schon sbahic ta stojol te nacionetic, ya jtsob xan tal yu'un ta jts'ihn bahel ya xhahch swocolic yu'un yalal te uts'inel yu'un te ajwaliletic soc te príncipaletique.

Bible in Tzeltal de Oxchuc y Tenejapa

¹⁰ Ja'uc me to, manchuc teme la yac'bey majt'anil te nacionetique, yo'tic ya me yich' tsobel cu'un yu'un ya cac'bey castigo. Ya me xwoclajic ta sc'ab te ajwalil te tulan yo'tane.

Oseas 8:10 Referans Kwoze

Ezequiel 16:37

ha yu'un ya me jtsob spisil te mach'atic la smulanat, te la amulan aba soc, spisil te mach'atic la amulan, soc spisil te mach'atic la ap'aj. Ya jtsob talel ta ajoyobal, soc ta scomon sitic ya jwahtambat abaq'uetal, ya me yilic te watalat.

Oseas 10:10

Ya ca'be castigo te bin ora ya sc'an co'tan; ya stsob tal sbahic te nacionetic ta scontrahinel te c'alal ya yich'ic castigo yu'un te cha'chahp smulique.

Ezequiel 26:7

Como hich yaloj Jehová, te Ajwalil: Ya cac' taluc ta norte te Nabucodonosor, ajwalil yu'un Babilonia, te ajwalil yu'un ajwaliletic, te ya scontrahin te Tiro soc cawuhetic, carretahetic, soc jmoheletic ta cawu soc bayel soldadohetic.

Isaías 10:8

Como hich ya yal: Te príncipaletic cu'un ¿ma bal spisiluc ajwaliletic?

Hageo 2:6

Como hich yaloj te Jehová te scuentahinej spisil: Ma ba halix bahel ya me cac' nihcuc te ch'ulchan soc bahlumilal, te mar soc te lumq'uinale;

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Ezequiel 22:20

Hich te bin ut'il ya yich' tsobel ta horno te plata, bronce, hierro, plomo soc estaño yu'un ya x'a'bot sc'ahc'al yu'un ya yich' uhltesel, hich nix ya jtsobex ta scuenta quilimba soc sc'ahc'al co'tan. Ya cotsesex tey a soc ya cultesex.

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Isaías 36:13

Ha yu'un te capitan-soldado la stehc'an sba soc tulan awon ta sc'op Judá: A'iya awa'iyic te bin ya yal te muc'ul ajwalil, ha te ajwalil yu'un Asiria:

1 Crónicas 5:26

Ha scuentahil te Dios la stijbe yo'tan te Pul, ha te Tiglat-pileser ajwalil yu'un Asiria, te la yic' bahel te sts'umbal Rubén, Gad soc te j'ohlil sts'umbal Manasés, la yac'ticlan ta Halah, Habor, Hara soc ta sti'il muc'ul-ha' Gozán, tey ayic c'alal ora a.

2 Reyes 17:3

Te Salmanasar ajwalil yu'un Asiria baht ya'be guerra te Oseas, te ha och ta a'bat yu'un soc la stoj spatan ta stojol.

2 Reyes 14:26

Como te Jehová la yil te bayel swocol te Israel; mayuc moso o mach'a ay ta libre, mayuc mach'a ya scoltay te Israel.

Ezequiel 16:33

Spisil te j'antsinel-antsetic ya x'a'botic stojolic, pero te ha'ate, la awa'be smahtan ta spisil te mach'atic la smulanat. La awa'be mahtaniletic scuenta yu'un hich ya xtalic ta bayuc ta atojol yu'un ya yantsinat.

Ezequiel 23:5

Te Ahola la yac' sba ta antsinel c'alal ay to ta jcuenta. Baht yo'tan ta stojol te mach'atic mulanot yu'un, ha te asiriahetic, te spat-xuhc,

2 Reyes 17:4

Pero te ajwalil yu'un Asiria la ya'iy te yac ta schapel sc'op Oseas ta scontrahinel, como sticonej bahel winiquetic ta stojol So ajwalil yu'un Egipto, soc te ma ba yaquix stojbel spatan ta stojol te ajwalil yu'un Asiria hich te bin ut'il ya spas jujun ha'bil. Ha yu'un te ajwalil yu'un Asira la stsac te Oseas soc la yotses ta cárcel.

Isaías 30:2

Ya xcohic bahel ta Egipto, pero ma ba la sjoc'obonic. Ya sc'anic te ya yich' yipic ta scuenta yip te faraón, ha ya smuc'ulin yo'tanic te canantayel yu'un Egipto.

Oseas 12:2

Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.