Oseas 7:5 - Bible in Tzeltal Bachajón

⁵ Ta sc'ahc'alel te q'uinal yu'un te ajwalil cu'untic, te príncipaletic la ya'beyic chamel ta scuenta sc'ahc'al te vino; jun yac'oj sba soc te jlabanwanejetique.

Bible in Tzeltal de Oxchuc y Tenejapa

⁵ Te bi c'aalil ac'bot scorona te muc' ajwalil cu'untique, te ch'in ajwaliletic la yac'beyic chamel ta swenta sc'aal te vino la yuch'e. Tey bajt' yo'tan ta sjoinel te mach'atic ya yaiyic labanwaneje.

Oseas 7:5 Referans Kwoze

Isaías 28:1

¡Ay me swocol te corona yu'un toybahil yu'un te jyacubeletic yu'un Efraín, soc te snich te yac ta taquijel, ha te t'ujbil yutsilal, te ay ta shahchibal te spamlej te lec slumil, ha te mach'atic tsalbilic yu'un te vino!

Efesios 5:18

Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

San Marcos 6:21

Buen ora c'oht sc'ahc'alel te c'alal Herodes, ta yorahil q'uin yu'un loc' ya'bilal, la stsob tal ta we'el principaletic, comandantehetic soc mach'atic ay ya'telic ta Galilea.

San Mateo 14:6

Pero te c'alal la spasbeyic sq'uin yu'un loc' ya'bilal te Herodes, te yantsil-al te Herodías la ya'iy ahc'ot ta stojolic, bayel la smulan te Herodes.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Proverbios 20:1

Ha jlabanwanej te vino, soc hach-c'op te pajubtesbil uch'balil; mayuc sp'ijil yo'tan te mach'a ya xhowiytesot yu'un.

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

Salmos 69:12

Te mach'atic huculic ta yochibal te pueblo ya scontrac'optayonic, soc ya slabonic ta c'ayoj te jyacubeletique.

Salmos 1:1

Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

1 Reyes 13:4

Te c'alal la ya'iy te ajwalil Jeroboam te bin la yal te winic yu'un Dios ta scontrahinel te scajtajib ta chiq'uel pom ta Bet-el, tey ta scajtajib a la shach sc'ab, hich la yal: ¡Tsacahic! xchi. Pero te sc'ab te la shach ta stojol te winique, taquij, ma ba la sc'anix cuts'el yu'un.

Génesis 40:20

Ta yoxebal c'ahc'al c'oht sc'ahc'alel te loc' ya'bilal te faraón, la spas q'uin yu'un spisil te a'batetic yu'une. La ya'be stehc'anlan sbahic te jcuentahinwanej yu'un te sc'asesej-copa soc jcuentahinwanej yu'un te jpas-panetic ta stojol te a'batetic yu'une.

Isaías 28:14

Ha yu'un a'iya awa'iy te sc'op Jehová, ha'ex jlabanwanejex te yac acuentahinic te pueblo ini te ay ta Jerusalén.

Oseas 7:3

Ta scuenta schopolilic ya ya'beyic tse'el yo'tan te ajwalil, soc te príncipaletic ta scuenta te slotique.