Oseas 7:4 - Bible in Tzeltal Bachajón

⁴ Spisilic ha j'antsineletic; hich c'ohemic te bin ut'il horno te ay sc'ahc'al, te ma ba ya x'a'bot xan sc'ahc'al yu'un te mach'a ya ya'be sc'ahc'al te c'alal wots'bilix a te harina ha to c'alal ya xpajub.

Bible in Tzeltal de Oxchuc y Tenejapa

⁴ Mulwejetic ta spisilic. Jich c'oemic te bit'il horno te la yich' ac'beyel sc'aal te ya yijq'uitay ta xijel te yajwal horno, ja' to c'alal ya xpajub te smats'ule.

Oseas 7:4 Referans Kwoze

Jeremías 9:2

¡Te ayuc cu'un ta jochol taquin q'uinal wayibal na yu'un mach'atic ya xbehenic, scuenta yu'un ya quihquitay hilel te jlumal, te namal ya xbohon ta stojolic! Como spisilic j'antsiwejetic soc jchahp j'ac'awetic ta c'abal.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

1 Corintios 5:6

Ma lecuc te atoyoj abahique. ¿Yu'un bal ma ba ana'ojic te jteb nax levadura ya spajubtes sc'ohlol te we'bal?

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Oseas 4:10

Ya xwe'ic, pero ma xnoj sch'uhtic; ya ya'iyic antsiwej, pero ma ba ya xp'ohlic, como la yihquitayic a'batinel ta stojol Jehová.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!