Oseas 7:2 - Bible in Tzeltal Bachajón

² Ma sna'ic te jna'oj spisil te bintic chopol spasojique. Yo'tic joytaybiliquix yu'un te ya'telic te ayic ta jtojol.

Bible in Tzeltal de Oxchuc y Tenejapa

² Ma sna'ic stojol te ya quich'bey ta wenta te bila amen ya spasique. Ta ora yo'tic joytayotiquix yu'un te yat'elic, te ay nix ta jsit spisil ora.

Oseas 7:2 Referans Kwoze

San Lucas 12:2

como mayuc bin muquen te ma ba ya xchicnaj, soc mayuc bin nac'al te ma ba ya xna'ot.

Salmos 90:8

La awac' ta atojol te jmulcotic, te muquen jmulcotic la awac' ta sacal q'uinal te ay ta atojol.

Amós 8:7

Te Jehová hich la yal ta jamal ta scuenta te yutsilal Jacob: Ma ba ya xch'ayix ta co'tan te bin spasojic, xchi.

Jeremías 14:10

Te Jehová hich la yalbe sc'oblal te pueblo ini: Bayel la smulanic te bayuc nax ya xbahtic, ma ba la scom yoquic. Ha yu'un te Jehová ma lecuc yo'tan yu'unic; ya me sna'beyix te smulic soc ya me yac'ticlambe castigo yu'un, xchi.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Oseas 9:9

Jc'axel la sbohlobtes sbahic, hich te bin ut'il ta sc'ahc'alel Gabaa. Te Jehová ya me sna'be schopolil soc ya me ya'be castigo yu'un te smulique.

Jeremías 32:19

C'ax muc' te bintic anopoj ta awo'tan soc c'ax t'ujbil te a'teliletic awu'une. Yac awil spisil te bintic ya spasic te ants-winiquetic, yac awa'be stoj ta jujutuhl chican bin yilel te stalelic soc te sit te ya'telique.

Jeremías 16:17

Como yac quilbel spisil te ya'telic, ma ba mucul ta jtojol, ma ba nac'bil ta jsit te smulique.

Jeremías 4:18

Ha nix ta scaj te atalel soc te bintic apasoj la yac' c'ohtuc ta pasel ini. Ha awocol ini, mero ch'a, c'ohemix c'alal ta awo'tan, xchi.

Isaías 5:12

Ta q'uinetic yu'unic ay arpahetic, salteriohetic, c'ayobetic, amayetic soc vino, pero ma ba ya yilic te bin ya spas Jehová, mayuc sc'oblal ta yo'tanic te ya'tel te sc'abe.

Salmos 25:7

Ma me xana'bonix te muliletic cu'un c'alal queremon to a, soc te toybahil cu'une. Hich te bin ut'il ay sc'uxul awo'tan, na'awon, Jehová, ta scuenta yutsil awo'tan.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

Isaías 1:3

Te j'a'tel-wacax ya sna'be sba te yajwal, te burro ya sna'be sba te yawil swe'el yu'un te yajwal, yan te Israel ma sna', mayuc snopojibal yu'un te pueblo cu'une, xchi.

Salmos 50:22

Ac'a c'ohtuc ta awo'tan ini, ha'ex te yac ach'ay ta awo'tanic te Diose, te manchuc ya jtuch'ticlanex, hich mayuc mach'a ya scoltayex.

Job 34:21

Como Dios ya yil te behetic yu'un te ants-winic, ya yil te jujujihm te yoque.

Deuteronomio 32:29

¡Te ayuc sp'ijilic, te yacuc xc'oht ta yo'tanic ini, te yacuc sna'ic banti ya xc'ohtic ta loq'uel!

Números 32:23

Yan teme ma hichuc yac apasique, la ata amulic ta stojol Jehová. Na'a me te ya me stahex te amulique.

Isaías 44:19

Ma ba ya spasic pensar, ma sna'ic q'uinal, mayuc snopojibal yu'unic te hich ya yalic: J'ohlil la jchic', la jpas pan ta yac'alel, la jwo ti'bal a soc la jwe'. Te j'ohlil xane ¿ya bal jpas te bin ilobtic sba a? ¿Ya bal jquejan jba ta stojol schumante'el te te'e? ma xchihuquic.

Isaías 26:16

La slehat, Jehová, te c'alal ayic ta wocol a, ta sajsaj-c'op la sc'oponat te c'alal la awac'ticlambe castigo.

Jeremías 17:1

Te smul te Judá ts'ihbabil ta cincel-taq'uin soc ta jay sni'il diamante-ton, bojticlambil ochel ta yo'tanic soc ta xulubiletic yu'un te scajtajib ta chiq'uel mahtaniletic yu'unic,

Jeremías 44:21

¿Ma bal sna'ojuc Jehová, ma bal yacuc xtal ta yo'tan te pom la achiq'uic ta pueblohetic yu'un Judá soc ta callehetic yu'un Jerusalén, ha'ex soc ame'atatic, te ajwaliletic soc te príncipaletic awu'unic, soc te ants-winiquetic ta q'uinal?

Oseas 4:9

Te sacerdote hich ya xc'oht te bin ut'il te pueblo, ya ca'be castigo yu'un te bintic spasojic, soc ya ca'be stoj ha chican te ya'telique.

Oseas 9:15

Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.

Oseas 12:2

Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.

Jonás 1:2

Hahchan, bahan ta muc'ul pueblo Nínive, c'opojan ta scontrahinel, como mohix tal ta jtojol te schopolile, xchi.

Salmos 10:11

Ya yal ta yo'tan: Ya xch'ay ta yo'tan te Diose; ya smuc sit yelaw, mayuc bin ora ya yil, xchi.

Ezequiel 21:29

Ya yalbat sc'op-jalwanej te ma meleluc, ya yalbat lotil jna'ojel, pero te espada ya xc'oht ta snuc' te mach'atic chopolic te ya x'ac'otic ta lajel, te c'ohtix yorahil te castigo scuenta slajibal.

Oseas 6:2

Li' ta cheb c'ahc'al ya ya'botic xan jcuxlejaltic, ta yoxebal c'ahc'al ya shachotic, hich ya xcuxajotic ta stojol.