Oseas 7:1 - Bible in Tzeltal Bachajón

¹ Te c'alal yac jpoxtaybel a te Israel, chicnaj smul te Efraín soc schopolil te Samaria, como la ya'iyic lo'loywanej; ya x'och bahel te j'eleq'uetic, soc te jchahp j'eleq'uetic ya ya'iyic elec' ta calle.

Bible in Tzeltal de Oxchuc y Tenejapa

¹ c'alal ya jc'an jpoxtay te lum cu'une, ja' te Efraín soc Samaria, ya xchicnaj ta jsit te smul soc te bila amen spasojique. Melel spisilic c'aemic ta yalel lot; jich bit'il j'eleq'uetic, ya x'ochic ta nanatic soc ya swiluntayic te ants-winiquetic ta calle.

Oseas 7:1 Referans Kwoze

Oseas 7:13

¡Obol sbahic! como la yihquitayonic hilel; ya xtal jinel ta stojolic, como la stoy sbahic ta jtojol. Ya jc'an ya jcoltay, pero ya yalic lot ta jtojol.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

San Lucas 19:42

hich la yal: ¡Te ayuc bin ut'il la ana' ta c'ahc'alel ini bin ut'il ya xlahmaj q'uinal awu'un! Pero yo'tic macbil ta asit, ma ba yac awil.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

San Lucas 13:34

¡Jerusalén, Jerusalén, te yac amil te jalwanejetic soc te yac ach'oj ta ton te mach'atic ticombilic ta atojole! ¡Bayel buelta hich ya c'an jtsob te awal-anich'nab te bin ut'il ya stsob yalatac ta ye'tal xic' te me'mut, pero ma ba la ac'an!

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

Miqueas 6:16

Como ach'uhunej spasel te mandariletic yu'un Omri soc spisil bintic la spasic te mach'atic ay yu'un Acab, la at'unic te bintic la yalique; ha yu'un ya cac'at ta jinel soc ya cac' ta labanel te mach'atic nahinemic ta awohlilique. Ha yu'un yac awich'ic labanel yu'un te pueblo cu'une.

Amós 8:14

Te mach'atic ay bin ya yalic ta jamal ta scuenta te mulil yu'un Samaria, te hich ya yalic: Ta scuenta te Dios awu'un, Dan, xchihic; soc: Ta scuenta te sbehlal Beerseba, te xchihique, ya me xyahlic, mayuquix bin ora ya xhahchiquix.

Oseas 11:12

Te Efraín la sjoytayon ta lot, soc te sna Israel la sjoytayon ta lo'loyel. Pero te Judá ya to xbehen ta stojol Dios, soc jun yo'tan ta stojol te mach'atic ch'ultesbilique.

Oseas 10:5

Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.

Oseas 8:9

Como mohic bahel ta Asiria hich te bin ut'il ha'mal burro te stuquel ay. Efraín la schon sba ta stojol mach'atic mulanot yu'un.

Oseas 8:5

Samaria, te jcolel toro awu'un la yac' te q'uejel bahat. Tihlemix quilimba ta stojolic: ¿Bin to ora yac atahic lecubtesel?

Oseas 5:1

Sacerdotehetic, a'iya awa'iyic ini, sna Israel, ac'a achiquinic, sna ajwalil a'iya awa'iyic: Ha'ex awu'unic te castigo, como yaquil c'ohemex ta Mizpa, limbil yaquil ta sba Tabor c'ohemex,

Oseas 4:17

Te Efraín yac'oj sba ta sch'uhunel loc'ombahetic, ¡ihquitaya!

Ezequiel 23:4

Te wixile Ahola sbihil, te ihts'inale Aholiba sbihil. Cu'un c'oht ta schebalic, soc la yac'ticlan yalatac queremetic soc ach'ixetic. Te Aloha, ha te Samaria; te Aholiba, ha te Jerusalén.

Ezequiel 16:46

Te amuc'ul-wix, ha te Samaria soc te yalatac te nahinemic ta stojol norte awu'un; soc te awihts'in ha te Sodoma soc te yalatac te nahinemic ta stojol sur awu'unic.

Jeremías 51:9

C'an jpoxtaytic te Babilonia, pero ma ba lecub. Ihquitaya hilel, conic ta jlumaltic ta jujutuhl, como c'ohem c'alal ta ch'ulchan te castigo yu'une, mohem bahel c'alal ta tocal.

Isaías 59:12

Como bayel toybahil cu'uncotic ta atojol, soc ya yalotcotic te jmulcotique. Ay ta co'tancotic te c'axun-mandar cu'uncotic soc ya jna'cotic te mulil cu'uncotic:

Isaías 28:1

¡Ay me swocol te corona yu'un toybahil yu'un te jyacubeletic yu'un Efraín, soc te snich te yac ta taquijel, ha te t'ujbil yutsilal, te ay ta shahchibal te spamlej te lec slumil, ha te mach'atic tsalbilic yu'un te vino!

Ezequiel 24:13

Te abohlil ha te bin chopol yac amulan. La jc'an la jpocat pero ma ba pocbil c'ohat yu'un abohlil; ma ba pocbil ya xc'ohat ha to c'alal ya xc'ax co'tan te quilimba ta atojol.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Isaías 59:13

ha te toybahil soc te la jmuc ta co'tantic te Jehová, la jsut jpatic ta stojol te Dios cu'untic; ha te yalel uts'inel soc toybahil, soc yalel lot te chicnaj ta co'tantic.

Isaías 59:14

Hich suht bahel te stojil chahpanel, soc namal hil te bin stojil ta pasele; como te bin smelelil la sc'ohchin sba ta plaza, soc ma ba hu' ya xtal te toj-o'tanile.

Oseas 12:1

Te Efraín puro ic' ya swe', sjunal c'ahc'al ya st'un bahel te ic' te ya xtal ta stojol banti ya xloc' tal c'ahc'al; ya sp'oltes te lot soc te uts'inwanej, yu'un ya schap sc'op soc Asiria soc ya yich' bahel aceite ta Egipto.

Oseas 12:2

Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.

Amós 3:9

Pucahic ta halel ta tulan ts'ahquetic yu'un Asdod soc ta tulan ts'ahquetic yu'un te sq'uinal Egipto, hich me xawalbeyic: Tsoba abahic ta witsiltic yu'un Samaria, ilawilic te bayel c'op ta yohlil soc te uts'inel tey a.

Amós 3:10

Ma sna'ic spasel bin toj, xchi te Jehová; ya stsobic ta tulan ts'ahquetic yu'unic bintic elc'ambil soc te bintic pojbile.