Oseas 6:8 - Bible in Tzeltal Bachajón

⁸ Te Galaad ha pueblo te chopol ya'telic, yat'inejic ch'ich'.

Bible in Tzeltal de Oxchuc y Tenejapa

⁸ Te Galaad ja' te jpam lum te amen yat'elique, chican jilel seña ch'ich' ta bay ya xbeenique.

Oseas 6:8 Referans Kwoze

Oseas 12:11

¿Chopol bal te Galaad? mero mayuc scuentahilic: Ta Gilgal la yaq'uic ta chiq'uel torohetic, ha yu'un te scajtajib ta chiq'uel mahtaniletic yu'unic hich ya xc'ohtic te bin ut'il busambil tonetic ta sba te chahpambil q'uinale.

Hechos 25:3

La yalbeyic wocol te yacuc sticon ta iq'uel tal ta Jerusalén te Pablo, yu'un schapoj sc'opic te ya smilic ta be.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Oseas 5:1

Sacerdotehetic, a'iya awa'iyic ini, sna Israel, ac'a achiquinic, sna ajwalil a'iya awa'iyic: Ha'ex awu'unic te castigo, como yaquil c'ohemex ta Mizpa, limbil yaquil ta sba Tabor c'ohemex,

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Jeremías 11:19

Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Isaías 59:6

Te sna ametic yu'unic ma xhu' ta c'u'inel; ma xhu' ya smuc sbahic a te bin ya sjalique. Te ya'telic ha ya'telic te bin chopol, soc ay uts'inel ta sc'abic.

Salmos 59:2

Coltayawon ta sc'abic te mach'atic ya spasic bin chopol, coltayawon ta sc'abic te jmilawetique.

Salmos 10:8

Ya snac' sba ta nopol tut pueblohetic; muquen ya smil te mach'a mayuc smul. Muquen ya yil te mach'a ma xhu' scoltaybel sba,

1 Reyes 2:5

Ana'ojix te bin la spasbon te Joab, te yal Sarvia, ha te bin la spasticlambe te cheb jtsobaw soldadohetic yu'un Israel, ha te Abner snich'an Ner, soc te Amasa snich'an Jeter, te la smilticlan, la smal ch'ich' yu'un guerra ta yorahil lamal q'uinal, la yaq'uix ch'ich' yu'un guerra ta schuhquil sch'uht soc ta step slapoj.

2 Samuel 20:8

Te c'alal ayic ta muc'ul ton te ay ta Gabaón, loc' tal ta tahel yu'un te Amasa. Te Joab slapoj c'u'ul scuenta soldado, soc ay espada yu'un soc sna chucul ta sch'uht, ch'ay cohel te espada yu'un c'alal nohpoj bahel ta stojol te Amasa.

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

Josué 21:38

Ta banti te jchahp yu'un Gad, a'botic Ramot yu'un Galaad soc te aquiltic yu'un scuenta ahnibal pueblo yu'un te jmilawe; soc nix te Mahanaim,

Salmos 141:4

Ma me xawac' te ya sc'an co'tante bin chopol, scuenta yu'un ya jpas te bin chopol soc te mach'atic ya spasic mulil; ma me xawac' te ya jwe' te we'elil te ya smulanique.

Oseas 12:12

Te Jacob baht ta ahnel ta sq'uinal Aram; te Israel la yac' sba ta a'batinel yu'un ya sta yihnam a, soc la scanantay tuminchijetic yu'un ya sta yihnam a.