Oseas 6:3 - Bible in Tzeltal Bachajón

³ Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Bible in Tzeltal de Oxchuc y Tenejapa

³ Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Oseas 6:3 Referans Kwoze

Oseas 14:5

Hich ya xc'ohon ta stojol Israel te bin ut'il ts'ujul, ha ya snichin hich te bin ut'il te lirio, soc hich ya xc'uhb bahel slohp' te bin ut'il te cedrohetic ta Líbano.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Salmos 72:6

Te ajwalil hich me ya xc'oht te bin ut'il ha'al ta sba bojbil ha'mal, hich te bin ut'il ts'ujul te ya xyahl ta sba te lumq'uinal.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

San Mateo 13:11

Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

Zacarías 10:1

C'ambeyahic ha'al te Jehová ta yorahil ya x'ach'ub ya'binal te'; te Jehová ya yac' taluc tsantsehwal, ya ya'beyex bayel ha'al soc yaxal ha'mal ta sq'uinal jujutuhl.

2 Pedro 1:19

Ha yu'un chican xan ta lec te ha smelelil te sc'op te jalwanejetique. Lec te yac awich'ic ta cuenta, hich te bin ut'il c'ahc' te yac ta tihlel ta yihc'al q'uinal, ha to c'alal ya sacub q'uinal soc te ya yac' sts'anabul ta awo'tanic te jsacubel ec'.

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

Oseas 10:12

Ts'unahic te bin toj ta pasel, tsobahic te c'uxul-o'tanil; chahpanahic lum te ma to tucbiluc, como yorahilix slehel te Jehová, ha to c'alal ya xtal soc ya yac' tal ta atojolic te bin toj ta pasel hich te bin ut'il ha'al.

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.

Oseas 2:20

Ya quihnaminat ta scuenta jun co'tan ta atojol, ya me ana'be sba te Jehová.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

Isaías 32:15

ha to c'alal ya yich' malel cohel tal ta jtojoltic te espíritu ay ta toyol. Hich ya xc'atp'uj ta lequil lum te jochol taquin q'uinal, soc te lequil lum hich ya xc'oht te bin ut'il tohyem te'etic.

Salmos 65:9

Ha'at yac acanantay te lumq'uinal soc yac awa'be ya'lel; bayel bintic yac awac'tilambe. Te be-ha'etic yu'un Dios nojel ta ha' yu'un yac awac'tilambe te trigo yu'unic, yu'un hich chahpambil awu'un.

Deuteronomio 32:2

Te snopojibal cu'un ya me xt'uhlaj cohel hich te bin ut'il ha'al, te c'opetic cu'un ya me xco tal hich te bin ut'il ts'ujul, hich te bin ut'il c'unil ha'al te ya xco tal ta sba te ac, hich te bin ut'il ha' te xt'ulajan ya xc'oht ta sba te ha'male.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Isaías 5:6

Ya cac' te jochol taquin q'uinal ya xc'oht; ma ba ya yich' c'abayel o aq'uintayel, ya xcol ch'ixetic soc ha'maletic tey a. Ya jpas ta mandar te tocaletic te ma me xyaq'uic ha'al ta stojol.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Job 29:23

La smahliyonic hich te bin ut'il ya yich' mahliyel ha'al, la sjam yehic hich te bin ut'il ya yich' mahliyel te ha'al te patil ya xtale.

Miqueas 5:7

Te mach'atic hilemic yu'un Jacob hich ya xc'ohtic ta yohlil bayel pueblohetic te bin ut'il te ts'ujul yu'un Jehová, hich te bin ut'il ha'al ta sba te ha'maletic, te ma ba ya yich' ta cuenta te winic, ma ba ya smahliy te ants-winiquetique.

Salmos 19:4

pero ya xpuhc bahel ta spahmal bahlumilal te sc'opique, c'alal sti'il bahlumilal te bin ya yalique. Ta ch'ulchan la ya'be snahilpac' te c'ahc'ale,

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

2 Samuel 23:4

hich ay te bin ut'il sacal q'uinal ta sab, hich te bin ut'il ya xloc' tal c'ahc'al ta sab c'alal mayuc tocal, hich te bin ut'il ya xcol te ha'mal ta lum c'alal ya xc'ax te ha'ale, xchi.

Salmos 19:6

Ta jehch sti'il ch'ulchan ya xloc' tal, ya xbehen bahel c'alal ta yan jehch; mayuc bin ya snac' sba yu'un te sq'uixinale.

Salmos 63:8

Te jch'uhlel jun ayat soc; atsacojon ta awa'el-c'ab.

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Oseas 14:6

Ya slim bahel te sc'abc'ab, te yutsilal hich ya xc'oht te bin ut'il te olivo, soc te sumet yic' hich te bin ut'il te Líbano.