Oseas 5:4 - Bible in Tzeltal Bachajón

⁴ Te ya'telic ma xyaq'uic te ya suhtic tal ta stojol te Dios yu'unique, como ha nax ya sc'anic antsiwej, ma sna'beyic sba te Jehová.

Bible in Tzeltal de Oxchuc y Tenejapa

⁴ Amen yat'elic te lume, ta swenta te yat'elic ma xc'otic ta stojol te Dios yu'unique. Te bit'il u'uninbilic yu'un te mulweje, ma sna'beyic sba Cajwaltic yu'un.

Oseas 5:4 Referans Kwoze

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

San Juan 8:55

Pero ma xana'beyic sba te Diose. Yan te ho'one, ya jna'be sba. Teme ya cal te ma jna'be sba, yacon ta lot hich te bin ut'il te ha'exe. Pero ya jna'be sba soc jcanantaybeyej te sc'ope.

Oseas 4:6

La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Oseas 4:1

Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Jeremías 50:38

Ac'a taquijuc te ha'etic yu'un, ya me xtaquijic; como ha sq'uinal loc'ombahetic, ya sohc sjolic yu'un te loc'ombahetic yu'unique.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Jeremías 9:24

Te mach'a ya stoybe sba q'uinal ya'iy, hich me ac'a stoybe sba q'uinal ya'iy yu'un ini: ha te ya sna' bin ut'il ayon soc te ya sna'bon jba, te ya sna' te ho'on Jehovahon, te ya ca'iy c'uxultaywanej, te toj ya ca'iy chahpanwanej soc te ya jpas te bin stojil ta pasel, como ha ya sc'an co'tan ini, xchi te Jehová.

Jeremías 9:6

Ay ta yohlil lo'loywanej te snahique; te bin ut'il jlo'loywanejetic ma ba la sc'anic te ya sna'bonic jba, xchi te Jehová.

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Salmos 9:10

Ha ya smuc'ulinat yo'tanic te mach'atic ya sna'bat abihil, como ha'at, Jehová, ma ba la awihquitay te mach'atic ya slehate.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.

Oseas 4:14

Ma ba ya ca'be castigo te awantsil-nich'nabic te c'alal ya yac' sbahic ta antsinel, o te awalibic te c'alal ya xwayic soc yan winiquetic; como ha nix te winiquetic ya xbahtic soc j'antsinel antsetic, soc ya yaq'uic chic'bil mahtaniletic soc chopol antsetic. Ha yu'un ya xyahl te pueblo te mayuc snopojibal yu'unique.

Oseas 7:11

Te Efraín hich c'ohem te bin ut'il stsuhmut, ma sna' q'uinal: ya yawtay Egipto, ya xbaht ta stojol Asiria.

Oseas 13:13

Ya xtal sc'uxul ta stojol hich te bin ut'il ants te ya x'ayin yal, pero ha jtuhl nich'anil te mayuc sp'ijil, como ta yorahil ma ba la yac' sba yu'un ya x'ayin.

Oseas 4:11

Te antsiwej, vino soc ya'lel ts'usub ya yac' ch'ayuc snopojibal.

Oseas 8:11

Como te Efraín la spas bayel scajtajib ta chiq'uel mahtaniletic scuenta slehel mulil a, ha nax tuhun yu'unic scuenta slehel mulil.