Oseas 5:2 - Bible in Tzeltal Bachajón

² ha c'ubul hotbil ch'en ta spamlej Sitin; ha yu'un ya ca'be castigo ta spisilic.

Bible in Tzeltal de Oxchuc y Tenejapa

² soc jich c'oemex te bit'il pozo te najt' coel ta stenlej xatal q'uinal Sitim. Jich yu'un ya cac'beyex castigo ta puersa.

Oseas 5:2 Referans Kwoze

Oseas 9:15

Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.

Isaías 29:15

Ay me swocolic te mach'atic ya snac' ta stojol Jehová te bin schapoj ta yo'tanic, te ya spas ya'telic ta yihc'al q'uinal, soc te hich ya yalic: ¿Mach'a ya yilotic, soc mach'a ya sna' jbahtic? te xchihique.

Oseas 6:9

Hich te bin ut'il j'eleq'uetic ya smacliyic jtuhl winic, hich ya spas jchahp sacerdotehetic, ya xmilawanic soc ya spasic bintic ilobtic sba ta be te ya xbaht ta Siquem.

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.

Oseas 6:5

Ha scuentahil te la jset'ticlan ta scuenta te jalwanejetic, la jmilticlan ta scuenta te jc'ope, te castigo ya ca'be hich ya xtihl tal te bin ut'il sacal q'uinal.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Jeremías 6:28

Spisilic ha jtoybahetic, ya xleyawanic ta c'op. Ha bronce soc hierro c'ohemic, spisil chopolic.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.