Oseas 5:12 - Bible in Tzeltal Bachajón

¹² Hich ya xc'ohon ta stojol Efraín te bin ut'il chan te ya sjoch'obtes, hich te bin ut'il sjoch'ol te sna Judá.

Bible in Tzeltal de Oxchuc y Tenejapa

¹² Jich me ya xc'oon te bit'il xchanul ixim ta stojol Efraín, soc jich me ya xjoch'ob te lum Judá.

Oseas 5:12 Referans Kwoze

Isaías 51:8

Como ya xlajinotic yu'un sulup hich te bin ut'il c'u'ul, ya xlajinotic yu'un yol hich te bin ut'il stsotsel-tuminchij. Pero stalel ya xhil te bin stojil ya jpas, soc te colel cu'un ya xhalaj ta cajalcaj ts'umbalil, xchi.

Job 13:28

Yaconix ta uhlel hich te bin ut'il te bin yac ta c'a'el, hich te bin ut'il c'u'ul te ya xlaj ta joch'obel ta chane.

Jonás 4:7

Pero c'alal sacub q'uinal ta schebal c'ahc'al, te Dios la schahpan jcoht yol te la slajin te ch'upac-te', hich taquij.

Isaías 50:9

Ha te Cajwaltic Jehová te ya scoltayon; ¿mach'a ya xhu' ya yalbon jmul? Spisilic ya xlajic hich te bin ut'il c'u'ul, ya xlo'otic yu'un xet.

Proverbios 12:4

Te ants te lec stalel, ha corona yu'un te smamalale, yan te ants te ya yac' q'uexlal, ya sjoch'obtesbe sbaquel te smamalale.

Salmos 39:11

Ta scuenta castigo yu'un smul yac awac' tojobuc te winic, soc te bin bayel sc'oblal ta yo'tan hich yac alajimbe te bin ut'il pehpen; ¡melel te ants-winiquetic hich nax ayic te bin ut'il jahc' ta o'tanil! Selah

Isaías 5:24

Ha yu'un, hich te bin ut'il ya slajin c'ajben te yat c'ahc', soc te ya slajin ac te c'ahq'ue, ha nix hich ya xc'a' te slohp'ic, soc ya xch'ay bahel snichic hich te bin ut'il ts'ubilum; como la sp'ajbe te ley yu'un Jehová te scuentahinej spisil, soc la yihlayic te sc'op te Ch'ul Dios yu'un Israel.