Oseas 4:7 - Bible in Tzeltal Bachajón

⁷ C'alal p'ohlic xan bahel, p'ohl xan te mulil yu'un ta jtojol; ya jc'atp'un ta q'uexlal te yich'elic ta muc' yu'unique.

Bible in Tzeltal de Oxchuc y Tenejapa

⁷ “Te bit'il ja' muc' yat'elic te sacerdoteetique, c'ax to xan la sle smulic ta jtojol; jich yu'un te yich'elic ta muq'ue ya me jelbey ta q'uexlal.

Oseas 4:7 Referans Kwoze

Oseas 13:6

Noj sch'uhtic ta aquiltic, c'alal noj sch'uhtic hahch toybahil ta yo'tanic; hich ch'ayon ta yo'tanic.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Malaquías 2:9

Ha yu'un te la jcac' te p'ajbil soc peq'uel c'ohemex ta stojol spisil ants-winiquetic, como ma ba la acanantaybon te behetic cu'un, soc ma pajaluc yac achahpanic ta scuenta te Ley.

Oseas 10:1

Te Israel ha ts'usubil te bayel ya'binal te ya yac' bayel sit. C'alal p'ohl yu'unic te site, ha nix hich p'ohl te scajtajib ta chiq'uel mahtaniletic; c'alal p'ohl te bintic la yac' te sq'uinalic, ha nix hich p'ohl te loc'ombahetic yu'unique.

Oseas 4:10

Ya xwe'ic, pero ma xnoj sch'uhtic; ya ya'iyic antsiwej, pero ma ba ya xp'ohlic, como la yihquitayic a'batinel ta stojol Jehová.

Habacuc 2:16

Yac awac' te bayel yac ata q'uexlal, ma ha'uc ich'el ta muc'; ha nix hich yac awuch' ha'at soc ya xchicnaj abaq'uetal, te copa ay ta swa'el sc'ab Jehová ya xc'oht ta atojol, soc ya sutp'in ta q'uexlal te awutsilale.

Oseas 6:9

Hich te bin ut'il j'eleq'uetic ya smacliyic jtuhl winic, hich ya spas jchahp sacerdotehetic, ya xmilawanic soc ya spasic bintic ilobtic sba ta be te ya xbaht ta Siquem.

Oseas 5:1

Sacerdotehetic, a'iya awa'iyic ini, sna Israel, ac'a achiquinic, sna ajwalil a'iya awa'iyic: Ha'ex awu'unic te castigo, como yaquil c'ohemex ta Mizpa, limbil yaquil ta sba Tabor c'ohemex,

Esdras 9:7

C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.

Oseas 13:14

Ya cac' ta libre ta sc'ab te stsobojibal mach'atic chamenic, ya jcoltay loq'uel ta lajel. Ho'on, jlajinwanejon awu'un, lajel; ho'on, jinawalon awu'un, stsobojibal mach'atic chamenic. Ma ba ya jna'be yo'bolil sbahic.

Oseas 9:11

Te yutsilal Efraín ya me xwihl bahel hich te bin ut'il mut: ma ba ya x'ayin alal, ma ba ya xwolot alal, ma ba ya xhahch alal.

Oseas 10:6

Ya x'ich'ot bahel ta Asiria te jcolel toro scuenta smahtan te muc'ul ajwalil. Ya xhil ta q'uexlal te Efraín, te Israel ya xq'uexaw yu'un te j'ac'-o'tanil yu'une.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.