Oseas 4:6 - Bible in Tzeltal Bachajón

⁶ La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Bible in Tzeltal de Oxchuc y Tenejapa

⁶ Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Oseas 4:6 Referans Kwoze

Isaías 5:13

Ha yu'un ya x'ic'otic bahel ta chuquel te pueblo cu'un ta scaj te mayuc snopojibal yu'unique. Te winiquetic yu'un te ay sc'oblalic ya xlajic ta wi'nal, soc te tsobolic yu'un, ya ya'iyic bayel taquinti'il.

Proverbios 19:2

Ma lecuc te mach'a mayuc snopojibal yu'un, soc te mach'a ya suj sba, ya xhowiy.

Oseas 6:6

Como ha ya jc'an c'uxul-o'tanil, ma ha'uc chic'bil mahtanil, c'ax hich ya jc'an te yac ana'be sba Dios te bin ut'il scohtol chic'bil mahtaniletic.

Oseas 4:1

Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

San Mateo 15:8

Te pueblo ini ta ye nax ya yich'onic ta muc', pero te yo'tanic namal ayic ta jtojol,

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Isaías 17:10

Como la ach'ay ta awo'tan te Dios te la scoltayat, ma ba la ana' te Muc'ul Ton yu'un ahnibal awu'un. Ha yu'un aunque yac ats'un t'ujbil ts'unubiletic soc yac ats'un ts'unubiletic te talemic ta yan q'uinal,

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

2 Crónicas 15:3

Te Israel bayel c'ahc'al mayuc ta stojol te Dios te smelelil, mayuc sacerdote te ya x'a'bot snopic yu'un soc mayuc Ley;

Oseas 13:6

Noj sch'uhtic ta aquiltic, c'alal noj sch'uhtic hahch toybahil ta yo'tanic; hich ch'ayon ta yo'tanic.

Isaías 1:3

Te j'a'tel-wacax ya sna'be sba te yajwal, te burro ya sna'be sba te yawil swe'el yu'un te yajwal, yan te Israel ma sna', mayuc snopojibal yu'un te pueblo cu'une, xchi.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Job 36:12

Pero teme ma ba ya ya'iyique, ya me xlajic ta espada, ya sch'ayic bahel ta scaj te mayuc sp'ijil yo'tanic.

Jeremías 5:21

A'iya awa'iyic ini, ha'ex pueblohex te sonsohex soc mayuc awo'tanic, te ay asitic, pero ma xawilic q'uinal, te ay achiquinic, pero ma xawa'iyic q'uinal.

Isaías 3:12

Ha queremetic te ya yuts'inic te pueblo cu'un, ya xcuentahinotic yu'un antsetic. Pueblo cu'un, ya slo'loyex te mach'atic ya stojobtesex bahel, ya syanijtesbeyex te behetic awu'unique.

Salmos 119:139

Slajinejon te xut'et co'tan, como te jcontratac la sch'ay ta yo'tanic te ac'ope.

Salmos 119:61

La sjoytayonic ta syaquic te mach'atic chopol yo'tanic; pero ma ba ya xch'ay ta co'tan te ley awu'une.

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

Oseas 8:12

Aunque bayel bintic la jts'ihbabe ta Ley cu'un, jchahp nax c'oht ta yo'tanic.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.

Isaías 45:20

Tsoba abahic, la'ic me, tsoba abahic apisilic te cuxul hilex ta yohlil te nacionetique. Mayuc bin ya sna'ic te mach'atic ya sbehentesic loc'ombahetic pasbilic ta te', te mach'atic ya sc'oponic jun dios te ma xhu' ya xcoltaywan.

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

Isaías 28:7

Ha nix hich ini xhanlajan ya xbehenic yu'un te vino soc ya sschucticlan sba yoc yu'un te tulan uch'abil; te sacerdote soc te jalwanej xhanlajan ya xbehenic yu'un te tulan uch'abil, soc ya sonsohubic ta scaj te vino; ya schucticlan sba yoquic yu'un te tulan uch'abil, ya xhowiyic te c'alal ya yilic snahalsitic, ma xtojob sc'opic te c'alal ya ya'iyic chahpanwanej.

San Mateo 1:6

te snich'an Isaí, ha te ajwalil David. Te snich'an te ajwalil David, Salomón te ha yal te yihnam Urías,

Salmos 119:153

Ilbon jwocol, ac'awon ta libre, como ma ba ch'ayem ta co'tan te ley awu'une.

Proverbios 10:21

Te ye te mach'a toj yo'tan, ya smac'lin tsobolic, yan te mach'atic ma sna'ic q'uinal, ya xchamic ta scaj te mayuc bin ya sna'ic stuquel.

Ezequiel 44:23

Ya me ya'beyic snop te pueblo cu'un te bin ch'ultesbil soc te bin ma ch'ultesbiluc, te bin lec sc'oblal soc te bin bohloben sc'oblale.

Oseas 4:14

Ma ba ya ca'be castigo te awantsil-nich'nabic te c'alal ya yac' sbahic ta antsinel, o te awalibic te c'alal ya xwayic soc yan winiquetic; como ha nix te winiquetic ya xbahtic soc j'antsinel antsetic, soc ya yaq'uic chic'bil mahtaniletic soc chopol antsetic. Ha yu'un ya xyahl te pueblo te mayuc snopojibal yu'unique.

Oseas 5:4

Te ya'telic ma xyaq'uic te ya suhtic tal ta stojol te Dios yu'unique, como ha nax ya sc'anic antsiwej, ma sna'beyic sba te Jehová.

Oseas 7:9

Lajimbot yip yu'un jyanlumetic, pero ma ba ya sna'. Sacubenix te stsotsel sjol pero ma ba ya sna'.

Oseas 7:11

Te Efraín hich c'ohem te bin ut'il stsuhmut, ma sna' q'uinal: ya yawtay Egipto, ya xbaht ta stojol Asiria.

Salmos 18:27

Como ha'at yac acoltay te mach'atic peq'uelic, soc yac apehc'an te mach'atic stoyoj sbahique.

Isaías 29:12

O teme yac awa'be te mach'a ma sna' yilel hun, te hich yac awalbe: Ilawil ini, teme xchihate, hich ya sjac': Ma jna' yilel hun, xchi.

Oseas 9:17

Ya xp'ajotic yu'un te Dios cu'un como ma ba la ya'iybeyic te sc'ope; xmelmon ya xbehenic ta nacionetic.