Oseas 4:2 - Bible in Tzeltal Bachajón

² Ha nax ma jamaluc bin ya yal, ay lot, milaw, elec', antsiwej, soc bayel miltamba.

Bible in Tzeltal de Oxchuc y Tenejapa

² Ja' nax esmajem ta alel sbiil Dios te tojol xanix, soc te lotil c'ope, milaw soc elec'. Ya yaiyic mulwej soc ya yuts'inic spat-xujc', jich ya xmilawanic ta jujun buelta.

Oseas 4:2 Referans Kwoze

Oseas 6:9

Hich te bin ut'il j'eleq'uetic ya smacliyic jtuhl winic, hich ya spas jchahp sacerdotehetic, ya xmilawanic soc ya spasic bintic ilobtic sba ta be te ya xbaht ta Siquem.

1 Tesalonicenses 2:15

ha te mach'atic la smilic te Cajwaltic Jesús soc te jalwanejetic yu'unic, soc te la stenotcotic loq'uel te ho'otcotique. Ma ba lec yo'tan Dios yu'unic, soc ya scontrahinic spisil ants-winiquetic,

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

Oseas 7:1

Te c'alal yac jpoxtaybel a te Israel, chicnaj smul te Efraín soc schopolil te Samaria, como la ya'iyic lo'loywanej; ya x'och bahel te j'eleq'uetic, soc te jchahp j'eleq'uetic ya ya'iyic elec' ta calle.

Jeremías 6:7

Hich te bin ut'il spisil ora ya xloc' ya'lel te sloq'uib-ha', hich spisil ora ya xloc' schopolil; ya x'a'iybot sc'oblal uts'inel soc jinel tey a, spisil ora ay ta jtojol chamel soc ehchen.

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

San Mateo 23:35

Hich yac amulimbeyic smalbeyel sch'ich'el spisil te mach'atic toj yo'tanic te lajic ta milel ta bahlumilal, c'alal ta sch'ich'el Abel te toj yo'tan ha to ta sch'ich'el Zacarías te snich'an Berequías te la amilic ta ohlil yu'un te Templo soc te scajtajib ta chiq'uel mahtanil.

Zacarías 7:9

Hich yaloj te Jehová te scuentahinej spisil: Stojil me xawa'iyic chahpanwanej, pasahic c'uxultaywanej soc talel c'axel me xana'be yo'bolil abahic;

Zacarías 5:3

Hich la yalbon: Ha te schopol c'oblalil te ya xloc' bahel ta sba spisil te q'uinal; como spisil mach'atic ya x'elc'ajic ya me yich'ic jinel, hich te bin ut'il ya yal ta jehch te balbil hun, soc spisil mach'atic ay bin ya yalic ta jamal ta lot ya me yich'ic jinel, hich te bin ut'il ya yal ta yan jehch te balbil hune.

Sofonías 3:1

¡Obol sba te toyba pueblo, te bohloben sc'oblal soc te ha j'uts'inwanej!

Miqueas 6:10

¿Ay bal ta sna te mach'a chopol yo'tan c'ulejalil te ma lecuc stahoj, soc ay bal sp'isojibal te ma ts'acaluc, te p'ajbil?

Miqueas 3:9

A'iya awa'iyic ini, jtsobawex yu'un te sna Jacob, capitanex yu'un te sna Israel, te yac ap'ajic stojil chahpanel soc te yac ajinic spisil te bintic toj,

Miqueas 3:2

Pero yac ap'ajic te bin lec soc c'ux ta awo'tanic te bin chopole; yac aloq'uesbeyic snuhculel te pueblo cu'un soc te sbaq'uetal ta sbaquelic;

Oseas 12:14

Te Efraín la yac' ilinuc yo'tan Dios, ch'ahub yo'tan yu'un; ha yu'un te Ajwalil yu'un ya yac' c'ohtuc ta stojol te ch'ich' smaloj, soc ya ya'be stoj te bin chopol spasoje.

Oseas 10:4

Ha nax puro c'op, ya stojol halic ta jamal c'alal ya spasic chapbil-c'op; ha yu'un te chahpanel yu'unic hich ya xcol te bin ut'il te ch'ahco' ta banti chahpambil te q'uinale.

Oseas 7:3

Ta scuenta schopolilic ya ya'beyic tse'el yo'tan te ajwalil, soc te príncipaletic ta scuenta te slotique.

Oseas 5:2

ha c'ubul hotbil ch'en ta spamlej Sitin; ha yu'un ya ca'be castigo ta spisilic.

Lamentaciones 4:13

Ha ta scaj smulic te jalwanejetic soc te schopolil te sacerdotehetic yu'unic, te tey nix ta yohlil te Jerusalén la smalbeyic sch'ich'el te mach'atic toj yo'tanic.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Génesis 4:8

Te Caín la yalbe te Abel te yihts'in: Conic ta aquiltic, xchi. Te c'alal tey ayic a, te Caín la stsac te Abel te yihts'in, la smil.

Deuteronomio 5:11

Ma me xatojol tahbe ta halel sbihil te Jehová te Dios awu'un, como te Jehová ma ba ya smucbe smul te mach'a ya stojol tahbe ta halel te sbihile.

Deuteronomio 5:18

Ma me xawa'iy antsiwej; ma me xawac' aba ta antsinel.

Deuteronomio 5:19

Ma me xawa'iy elec'.

Jeremías 51:5

Como te Israel soc te Judá ma ba ihquitaybilic yu'un te Dios yu'unic, te Jehová te scuentahinej spisil, aunque noj ta mulil te sq'uinalic ta scontrahinel te Ch'ul Dios yu'un Israel.

Ezequiel 7:23

Pasa jun cadena, como te q'uinal nojel ta mulil scuenta smalel ch'ich', soc te pueblo nojel ta uts'inel.

Oseas 6:8

Te Galaad ha pueblo te chopol ya'telic, yat'inejic ch'ich'.

Oseas 7:4

Spisilic ha j'antsineletic; hich c'ohemic te bin ut'il horno te ay sc'ahc'al, te ma ba ya x'a'bot xan sc'ahc'al yu'un te mach'a ya ya'be sc'ahc'al te c'alal wots'bilix a te harina ha to c'alal ya xpajub.

Oseas 10:13

Pero ha'ex la ats'unic te bin chopol, soc la atsobic te bin ma stojiluc, la awe'be sit te lote. Te bin ut'il la smuc'ulin awo'tanic te be awu'unic soc te ay tsobol soldadohetic awu'un,

Oseas 11:12

Te Efraín la sjoytayon ta lot, soc te sna Israel la sjoytayon ta lo'loyel. Pero te Judá ya to xbehen ta stojol Dios, soc jun yo'tan ta stojol te mach'atic ch'ultesbilique.