Oseas 4:16 - Bible in Tzeltal Bachajón

¹⁶ Te Israel tulan yo'tan, hich te bin ut'il wacax te ma ba c'ahytesbil. Te Jehová ¿ya bal ya'be swe'elic hich te bin ut'il tuminchijetic ta jamal q'uinal aquiltic?

Bible in Tzeltal de Oxchuc y Tenejapa

¹⁶ Te Israel toyol yac'oj sbaic, jich te bit'il wacax te ma mansubenuque. ¿Ya bal scanantay ta bay t'ujbil aquiltic te Cajwaltique? ¿Pajal bal ya yil soc te bit'il ch'in chijetique?

Oseas 4:16 Referans Kwoze

Zacarías 7:11

Pero ma ba la sc'an la ya'iyic, la swalac'patiyic soc la smac schiquinic.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 8:5

¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Jeremías 3:11

Hich la yalbon te Jehová: Te toyba Israel ha toj xan c'ohem te bin ut'il Judá te ma junuc yo'tan ta jtojol.

Jeremías 3:8

la yil te la jpasbe hun yu'un ihquitayel te toyba Israel, pero te toyba Judá, te yihts'in, ma ba la xi', ha nix hich baht yac' sba ta antsinel.

Jeremías 3:6

Ta yorahil ay ta ajwalil a te Josías hich la yalbon te Jehová: ¿Awiloj bal te bin la spas te toyba Israel? Bahemix ta spisil toyol witsiltic soc ta ye'tal spisil pimil ya'binal te'etic, tey la yac' sba ta antsinel a.

Isaías 22:18

Ya stselat bahel hich te bin ut'il pelota, ya sch'ojat bahel ta muc'ul q'uinal; tey ya xchamat a, soc tey ya xhil a te carretahetic te ha awutsilal, ¡ha'at te yac awac' ta q'uexlal te sna te awajwale!

Isaías 5:17

Te tuminchijetic ya sle swe'elic hich te bin ut'il ay ta aquiltic yu'unic; te jyanlumetic tey ya xwe'ic a ta jimbil q'uinaletic yu'un te jc'ulejetique.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Isaías 30:23

Te Cajwaltic ya yac' tal ha'al ta awawal-ts'unub c'alal yac ats'unic, soc te we'elil ya ya'bat te q'uinal ha bayel soc buhts'an. Ta hich ora te wacaxetic awu'un ya me sta swe'elic ta jamal q'uinal.

Jeremías 31:18

La jca'iybe yoq'uel te Efraín, te hich la yal: La awa'bon castigo, hich la jquich'ix castigo te bin ut'il jcoht tut toro te ma ba c'ahytesbile. Ic'awon suhtel, hich ya suhton tal, como ha'at Jehovahat te Diosat cu'une.

Oseas 10:11

Te Efraín hich c'ohem te bin ut'il c'ahytesbil wacax te ya smulan ya swuy trigo. Pero ya ca'be yugo ta t'ujbil snuc'; ya jchucbe yugo ta snuc' te Efraín, te Judá ya me stuc te lum, soc te Jacob ya spahman te lume.

Oseas 11:6

Ya xc'oht espada ta stojol te pueblohetic yu'unic, ya sjinticlan te tut pueblohetic yu'unique; ha ya sjinticlan ta scaj te bintic schapoj ta yo'tanique.