Oseas 4:1 - Bible in Tzeltal Bachajón

¹ Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Bible in Tzeltal de Oxchuc y Tenejapa

¹ Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Oseas 4:1 Referans Kwoze

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Miqueas 6:2

A'iya awa'iyic, witsiltic soc te tulan yich'o-ip te lumq'uinal, te tijel ta c'op yu'un Jehová, como te Jehová ay c'op yu'un soc te pueblo yu'une, ya shach c'op soc Israel a.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Oseas 12:2

Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.

Jeremías 25:31

Te yip sc'op ya xc'oht c'alal ta sti'il te bahlumilal, como te Jehová ya yich' ta c'op te nacionetique; ya xhahch schahpan spisil ch'ich'-baq'uet, soc ya yac' lajuc ta espada te mach'atic chopolic, xchi te Jehová.

Jeremías 5:4

La jcal ta co'tan: Melel ha pobrehetic ini, sohquem sjolic, ma sna'beyejic sba te be yu'un Jehová, te bin ya sc'an te Dios yu'unique.

Isaías 34:1

¡Nohpojanic tal, nacionetic, a'iya me awa'iyic; a'iya awa'iyic, ha'ex pueblohex! Ac'a ya'iy te lumq'uinal soc spisil bintic ay tey a, ac'a ya'iy te bahlumilal soc spisil te bintic ya xloc' tey a.

Isaías 1:18

La'ic, xchi te Jehová, ya jchahpantic te c'op ini: aunque hich amulic te bin ut'il buen tsaj, buen sac ya xhilic hich te bin ut'il me'sic; aunque hich ayic te bin ut'il c'ax tsaj, hich sac ya xc'ohtic te bin ut'il sac stsotsel tuminchij.

Apocalipsis 2:29

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

San Juan 8:55

Pero ma xana'beyic sba te Diose. Yan te ho'one, ya jna'be sba. Teme ya cal te ma jna'be sba, yacon ta lot hich te bin ut'il te ha'exe. Pero ya jna'be sba soc jcanantaybeyej te sc'ope.

Amós 7:16

Ha yu'un, a'iybeya awa'iy te sc'op Jehová. Ha'at yac awal: Ma me xawal sc'op-jalwanej ta scontrahinel Israel, ma me xc'opojat ta scontrahinel te sna Isaac, xchihat.

Oseas 5:1

Sacerdotehetic, a'iya awa'iyic ini, sna Israel, ac'a achiquinic, sna ajwalil a'iya awa'iyic: Ha'ex awu'unic te castigo, como yaquil c'ohemex ta Mizpa, limbil yaquil ta sba Tabor c'ohemex,

Jeremías 34:4

Pero, Sedequías ajwalil yu'un Judá, a'iya me awa'iy bin ya yal te Jehová, yu'un hich ya yalbat ac'oblal: Ma ba ya xlajat ta espada;

Jeremías 19:3

Hich me xawal: Ajwaliletic yu'un Judá soc te mach'atic nahinemic ta Jerusalén, a'iybeya awa'iyic sc'op te Jehová. Hich ya yal Jehová te scuentahinej spisil, te Dios yu'un Israel: Ilawil, ya jticon tal tulan wocol ta stojol te lugar ini, spisil te mach'atic ya ya'iyic, xch'inet schiquinic yu'un,

Jeremías 9:20

Antsetic, a'iybeya awa'iyic sc'op te Jehová; ac'a ya'iy achiquinic te sc'op te ya xloc' ta ye. A'beyahic snop oq'uel te awantsil-nich'anic; a'beyahic snop mel-o'tan c'ayoj mach'a jun awo'tan soc,

Jeremías 7:28

Ha yu'un hich yac awalbe: Ha te nación ini te ma ba la sch'uhumbeyic sc'op te Jehová te Dios yu'une, ma ba la sc'anic tojobtesel; ch'ayix te smelelil c'op, loq'uesbilix ta yehic, xchihat me.

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Jeremías 2:4

A'iybeya awa'iyic sc'op te Jehová, pueblohex yu'un Jacob, soc spisil ta chahp yu'un Israel.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Isaías 34:8

Como ha sc'ahc'alel yu'un Jehová te ya ya'be spacol, ha ha'bil yu'un ya'beyel stojol ta scuenta Sión.

Isaías 28:14

Ha yu'un a'iya awa'iy te sc'op Jehová, ha'ex jlabanwanejex te yac acuentahinic te pueblo ini te ay ta Jerusalén.

Isaías 5:3

Yo'tic, winiquetic yu'un Jerusalén soc winiquetic yu'un Judá, halahic mach'a ay smul, ho'on o te ts'usubil cu'une.

Isaías 1:10

¡Príncipaletic yu'un Sodoma, a'iybeya awa'iyic te sc'op Jehová! ¡Pueblo yu'un Gomorra, a'iybeya awa'iy te ley yu'un te Dios cu'untique!

1 Reyes 22:19

La yal xan te Micaías: A'iya me awa'iy te sc'op Jehová: La jquil te Jehová hucul ta smuc'ul huctajib, spisil te mach'atic ayic ta ch'ulchan tec'ajtic ta stojol ta swa'el soc ta sq'uexam.

Isaías 59:4

Mayuc mach'a yac sc'ambel stojil chahpanel, mayuc mach'a toj ya xc'opoj ta chahpanel. Ha smuc'ulinej yo'tanic te c'op te mayuc scuentahil, soc ya yalic lot; ya swolic bintic chopol, ya yayintesic mulil;

Isaías 59:8

Ma ba sna'beyejic sba te sbehlal lamal-o'tanil, mayuc stojil chahpanel ta behetic yu'unic; ha chuhcul be te behetic yu'unique; mayuc mach'a ya xbehenic tey a te ya ya'iy lamal-o'tanil.

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Jeremías 51:5

Como te Israel soc te Judá ma ba ihquitaybilic yu'un te Dios yu'unic, te Jehová te scuentahinej spisil, aunque noj ta mulil te sq'uinalic ta scontrahinel te Ch'ul Dios yu'un Israel.

Joel 1:2

A'iya awa'iyic ini, mamaletic, a'iya awa'iyic spisil mach'atic nahinemic ta q'uinal. ¿Ay bal hich c'ohem ta pasel ta aworahil o ta yorahil te ame'atatique?

Salmos 81:9

Ma me ayuc yanl diosetic ta awohlil, ma me xanijan aba ta stojol yan dios.

Jeremías 2:9

Ha yu'un ya jtijex ta c'op yu'un ya jcontrahinex, xchi te Jehová, ya jchahpan yu'un scontrahinel te yal-snich'nab te awal-anich'nabique.

Jeremías 9:7

Ha yu'un hich ya yal te Jehová te scuentahinej spisil: Ilawil, ya cac'ticlan ta c'ahc' scuenta lecubtesel soc ya jtsahticlan, como ¿bin yan ya xhu' ya jpas ta stojol te pueblo cu'une?

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Ezequiel 16:35

Ha yu'un, j'antsinel-ants, a'iybeya awa'iy te sc'op Jehová:

Oseas 5:4

Te ya'telic ma xyaq'uic te ya suhtic tal ta stojol te Dios yu'unique, como ha nax ya sc'anic antsiwej, ma sna'beyic sba te Jehová.

Oseas 12:3

Ta yawil alal la stsacbe yit yoc te sbanquile, soc te c'alal muq'uix a la stsac sba soc te Diose.

Amós 3:1

A'iya awa'iyic te bin ya yal te Jehová ta scontrahinelex, snich'nabex Israel, ta scontrahinel spisil mach'atic ay awu'unic te la jloq'ues tal ta sq'uinal Egipto: