Oseas 3:5 - Bible in Tzeltal Bachajón

⁵ Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Bible in Tzeltal de Oxchuc y Tenejapa

⁵ Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Oseas 3:5 Referans Kwoze

Jeremías 30:9

Ya me yac' sbahic ta a'batinel yu'un Jehová, te Dios yu'unic, soc ta stojol David te ajwalil yu'unic, te ya jchicnajtesbe.

Isaías 2:2

Ta nopol slajibal c'ahc'al ha jolal ya xc'oht yu'un spisil witsetic te wits yu'un te sna Jehová; ha toyol ya xc'oht yu'un te tsehletic, soc spisil te nacionetic ya me xtal syom sbahic ta stojol.

Romanos 2:4

¿O ma bal ayuc sc'oblal awu'un te yutsil slequil yo'tan Dios, te ya xcuhch yu'un soc te ya xmahliwan, te ma ba yac ana' te ya stojobtesat bahel te slequil yo'tan Dios yu'un yac asuhtes awo'tan?

Miqueas 4:1

Ta slajibal c'ahc'al te wits yu'un te templo yu'un Jehová ha jolal ya xc'oht yu'un te witsiltique, toyol xan ya xc'oht yu'un te tsehletic, ya xbahtic tey a te pueblohetique.

Ezequiel 38:8

Bayel c'ahc'al ta patil yac awich' iq'uel; ta slajibal te ha'biletic yac awa'be guerra te q'uinal te c'axix yu'un te guerra, ha te mach'atic te la yich'ic tsobel tal ta yohlil bayel nacionetic, te c'ohtic ta witsiltic yu'un Israel, te bayel ha'bil jimbilique. La yich'ic loq'uesel ta yohlil te nacionetic soc spisilic jun yo'tanic ya xnahinic tey a.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

Jeremías 23:5

Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.

Romanos 11:25

Quermanotac, ma jc'an te ma ba yac ana'ic bin ut'il ay ini te bin mayuc ta na'el ta namey, scuenta yu'un ma ba yac acuy abahic ta p'ij: Ta Israel ay banti tonob yo'tanic ha to c'alal ts'acay ochel te jyanlumetique.

Amós 9:11

Ta hich ora ya jcha'hach te snahilpac' David te yahleme. Ya jmacbe te banti jamajtic, ya jcha'pas xan banti jihnem, hich ya jcha'pas xan te bin ut'il ta nahil to,

Oseas 5:15

Ya suhton bahel ta banti cawil, ha to c'alal ya sna'ic te smulic soc ya slehbonic jsit quelaw. ¡Te c'alal ay swocolic a ya me slehonic! xchi.

Oseas 5:6

Ya xbahtic soc te tuminchijetic soc wacaxetic yu'unic ta slehel te Jehová, pero ma ba ya stahic, ¡como ihquitayotic yu'un!

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Ezequiel 38:16

ya xmohat tal ta scontrahinel te pueblo Israel cu'un hich te bin ut'il tocal te ya smac te q'uinale. C'alal ya sts'acay te sc'ahc'alel, ya quic'at tal ta jq'uinal scuenta yu'un ya me sna'bonic jba te nacionetic te c'alal ha'at ta acuenta, Gog, ya cac' ta ilel ta stojolic te Ch'ul Dioson.

Jeremías 33:17

Como hich yaloj te Jehová: Mayuc bin ora ya spas falta te ay sts'umbal David te ya xhuhcaj ta shuctajib ta sna Israel,

1 Reyes 12:16

Te c'alal la yilic spisil te pueblo Israel te ma ba ich'otic ta cuenta yu'un te ajwalil, hich la yalbeyic: ¿Bin cocheltic a te David? Mayuc bin ay cu'untic ta scuenta te snich'an Isaí. ¡Bahanic ta anahic, Israel! ¡Cuentahina ana atuquel, David! xchihic. Hich bahtic ta snahic te Israel.

Deuteronomio 4:30

Te c'alal ay awocolic soc te ya stahex spisil te wocol ini, teme ta patil bahel ya suhtex ta stojol Jehová te Dios awu'unic soc yac ach'uhumbeyic te sc'ope,

Números 24:14

Ha yu'un ya suhtonix bahel ta jlumal. Pero la' me, ya calbat awa'iy bin ya spas te pueblo ini ta stojol te pueblo awu'un ta patilal, xchi.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Jeremías 30:24

Ma ba ya xlahmaj te sc'ahc'al yilimba Jehová ha to c'alal ya xc'oht ta pasel yu'un te bin snopoj ta yo'tane. Ta patil bahel ya xc'oht ta awo'tanic ini.

Isaías 2:3

Ya xtalic bayel pueblohetic soc hich me ya yalic: La'ic, mohucotic ta wits yu'un Jehová, ta sna te Dios yu'un Jacob. Ha ya ya'botic jnoptic te behetic yu'un, hich ya xbehenotic ta tut behetic yu'un, xchihic. Como ya xloc' tal ta Sión te Ley, ta Jerusalén ya xloc' tal te sc'op te Jehová.

Isaías 9:13

Pero te pueblo ma ba la suhtes yo'tanic ta stojol te mach'a a'bot castigo yu'une, ma ba la slehic te Jehová te scuentahinej spisil.

Isaías 17:7

Ta hich ora te ants-winiquetic ya me yac' sitic ta stojol te Jpaswanej yu'unic, t'ojol sitic ta stojol te Ch'ul Dios yu'un Israel.

Oseas 1:11

Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Isaías 60:5

Yac awil, hich ya xtihl yutsil awo'tan, bayel yutsil awo'tan yu'un, como ya x'ich'botat talel te sc'ulejal te mar, ya xtal ta atojol te sc'ulejalic te nacionetique.

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.