Oseas 3:4 - Bible in Tzeltal Bachajón

⁴ Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Bible in Tzeltal de Oxchuc y Tenejapa

⁴ Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Oseas 3:4 Referans Kwoze

Jueces 17:5

Hich te Micaía ay sna banti ya sch'uhuntay te diosetic yu'une. La spas jun efod soc loc'ombahetic yu'un na, soc la yotses ta sacerdote jtuhl snich'an.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

Génesis 31:19

Te Labán bahem ta sloq'uesbeyel stsotsel stuminchij a, ha yu'un te Raquel la yelc'ambe yahcanan te state.

Hebreos 10:26

Teme colojtic ya jlehulan jmultic te bin ut'il jna'ojtiquix te smelelil c'ope, mayuquix yan milbil mahtanil yu'un stojel te muliletic,

Daniel 12:11

C'alal ya yich' comel ta aq'uel te chic'bil mahtanil scuenta jujun c'ahc'al ha to c'alal ya xtehc'anot te bin ilobtic sba te ya xjinawan, ha lajuneb yo'winic schanbahc' (1,290) c'ahc'al.

Daniel 9:27

Ta jun xan semana ya schap sc'op soc tsobolic, ta j'ohlil semana ya scom ta aq'uel te milbil mahtanil soc te mahtanil yu'un harina. Ya me stehc'an bin ilobtic sba te ya xjinawan, ha to c'alal ya xc'oht ta stojol te jinaw te lajinel te chapal ya yich'e, xchi.

1 Samuel 23:9

C'alal la ya'iy te David te bin chopol snopoj te Saúl, hich la yalbe te sacerdote Abiatar: Ich'bon tal te efod, xchi.

Jueces 8:27

Te Gedeón la spas ta efod te la yac' ta slumal ta Ofra. Spisil Israel la yac' sbahic ta antsinel c'ohem ta stojol te efod tey a. Ha sc'ohchinojibal c'oht yu'un te Gedeón soc spisil mach'atic ay yu'un ta sna.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

San Juan 19:15

Pero la yalic ta aw: ¡Loc'uc! ¡Loc'uc! ¡Ac'a yich' milel ta cruz! xchihic. Halbotic yu'un te Pilato: ¿Ha bal ya cac' ta milel ta cruz te Ajwalil awu'unique? xchi. La sjac' te principal sacerdotehetic: Mayuc yan ajwalil cu'uncotic, ha nax stuquel te César, xchihic.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

Zacarías 13:2

Ta hich ora, xchi te Jehová te scuentahinej spisil, ya jloq'ues ta q'uinal te sbihilic te loc'ombahetic, ma ba ya xna'otix; soc ya jloq'ueslan ta q'uinal te jalwanejetic soc te snopel bintic chopol.

Oseas 13:11

Soc quilimba la jca'bat ajwalil, soc sc'ahc'al co'tan la jloq'uesbat.

Oseas 2:11

Ya jch'aybe spisil te stse'elil yo'tan, te q'uinetic yu'un, te yach'il u, c'ahc'aletic yu'un cux-o'tanil, soc spisil te muc'ul q'uinetic ya spas.

Daniel 11:31

Te soldadohetic yu'un ya me sbohlobtesbeyic sc'oblal te ch'ul awilal soc te ahnibal ts'ahc, ya me scom ta aq'uel te chic'bil mahtanil scuenta jujun c'ahc'al soc ya yac' tey a te bin ilobtic sba te ya xjinawan.

Ezequiel 21:21

Como te ajwalil yu'un Babilonia ya stehc'an sba ta jet-be, ta shahchibal te cheb be, yu'un ya stuhun jna'ojel; la slihlin te a'tejibaletic yu'un t'ihmalte', la sjoc'obe te loc'ombahetic yu'une, soc la yilbe sehcub chambahlam.

Ezequiel 20:32

Ma ba ya xc'oht ta pasel te bin la anopic. Como hich yac awalic: Hich ya jc'antic te pajalotic soc te nacionetic, te pajalotic soc te yantic pueblohetic ta q'uinal, te ya sch'uhuntayic te' soc ton, xchihex.

2 Reyes 23:24

Te Josías jc'axel la sloq'ueslan te jna'ojeletic, j'ac'-chameletic soc te loc'ombahetic ta nahetic, soc spisil bintic ilobtic sba ta ilel ta Judá soc ta Jerusalén. Hich la spas scuenta yu'un hich ya xc'oht ta pasel a te bin ya yal te Ley te ts'ihbabil ta libro la sta te sacerdote Hilcías ta sna Jehová.

2 Samuel 6:14

Te David slapoj efod pasbil ta lino-pac', soc yac wihlawetel ta spisil yip ta stojol Jehová.

1 Samuel 30:7

Te David la yalbe te sacerdote Abiatar snich'an Ahimelec: Awocoluc, ich'bon tal te efod, xchi. Hich te Abiatar la yich'be tal te efod.

1 Samuel 23:6

Te Abiatar snich'an Ahimelec, te baht ta ahnel ta stojol David, yich'oj bahel ta Keila te efod.

1 Samuel 22:18

Ha yu'un te ajwalil la yalbe te Doeg: Milticlana ha'at te sacerdotehetic, la yut. Hich te Doeg te edom-winic och smilticlan te sacerdotehetique. Ta hich ora la smil ho'eb yo'winic (85) ta tuhl winiquetic te slapojic efod pasbil ta lino.

1 Samuel 21:9

La sjac' te sacerdote: Li' ay te espada yu'un Goliat, te filisteo-winic te la amil ta spamlej Ela; ay ta spat efod, potsol ta pac'. Teme yac ac'an yac awich', ich'a bahel, yu'un mayuc yan, ha nax ini, xchi. Mayuc yan pajal soc me ine; a'bon hiche, xchi te David.

1 Samuel 14:3

soc Ahías snich'an Ahitob, te yermano Icabod snich'an Finees, te snich'an Elí, te sacerdote yu'un Jehová ta Silo, te yich'oj te efod. Mayuc mach'a sna'oj te bahem te Jonatán.

1 Samuel 2:18

Te querem Samuel yac yac'bel sba ta a'batinel ta stojol Jehová, sc'u'inej efod pasbil ta lino-pac'.

Levítico 8:7

La ya'be slap te smuc'ul-c'u', la schuc ta schuhquil sch'uht, la ya'be slap te snahtil-c'u', ta sba la ya'be te efod, la schuc ta schuhquil scuenta lec chucbil c'oht.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Génesis 31:34

Te Raquel snac'ojbe te yahcanan te stat ta ye'tal montura yu'un camello, tey la shuhcan sba a. Te Labán och slehbe ta spisil sbiluc ta snahilpac', mayuc bin la sta.

Jueces 18:14

Te ho'tuhl winiquetic te c'ohemiquix ta yilel te q'uinal yu'un Lais, la yalbeyic te yermanotac: ¿Ma bal ana'ojic te ta na ini ay efod soc loc'ombahetic yu'un na, jun loc'omba pasbil ta c'abal soc ay yan pasbil ta uhltesbil taq'uin? Nopahic hiche bin ya sc'an yac apasic yu'un, xchihic.

1 Samuel 15:23

Como te toybahil ha pajal mulil soc te bin ay ta lom-na'el, te tulan-o'tanil ha pajal mulil soc sch'uhuntayel loc'ombahetic. Te bin ut'il la ap'ajbe sc'op te Jehová, ha nix hich la sp'ajat te ma ba ya xhilatix ta ajwalil, xchi.

Lamentaciones 2:9

Jihnic cohel c'alal lum te ochibaletic yu'un; la swac'ticlan soc la sjinticlan te sc'atal-te'eletic yu'un. Te ajwalil soc te príncipaletic yu'un ayic ta yohlil te mach'atic ma ba yich'ojic te ley, soc te jalwanejetic yu'un mayuc bin ya x'a'bot yilic ta snahal sitil yu'un Jehová.

Oseas 13:10

¿Banti ay te ajwalil awu'un, yu'un ya scoltayat ta spisil te pueblohetic awu'une? ¿Banti ay te jtsobawetic awu'un, te hich la awalbe sc'oblal: A'bon ajwalil soc príncipaletic, te xchihate?

Zacarías 10:2

Te loc'ombahetic ya xlo'loywanic soc te jna'ojeletic ya yilic te bin lotil; ya yalbe sc'oblal wayichil te mayuc scuentahil soc tojol te sc'opic scuenta smuc'ubtesel q'uinal ya'iyic. Ha yu'un bayuc nax ya xbahtic te pueblo hich te bin ut'il jtsohb tuminchijetic, soc ay swocolic ta scaj te mayuc jcanan yu'unique.

Éxodo 28:6

Ya me spasic te efod ta oro, yax, chi'in-yax soc tsajal estambre, soc lequil ts'otbil lino, buen ch'albil ta ts'isel.

Ezequiel 19:14

Loc' c'ahc' ta sch'oxal te sc'abc'ab te la slajimbe te site; mayuquix hil tulan ste'el te ya xtuhun yu'un sbastón ajwalil, xchi. (Ha c'ayoj scuenta oq'uel ini, ya xtuhun scuenta c'ayoj yu'un oq'uel.)

Ezequiel 21:31

soc ya jmal cohel quilimba ta atojol; ya cac' tihluc ta atojol te sc'ahc'al te quilimba soc ya cac'at ta sc'ab j'uts'inwanejetic, te ya sna'ic ta lec jinaw.