Oseas 3:1 - Bible in Tzeltal Bachajón

¹ Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi.

Bible in Tzeltal de Oxchuc y Tenejapa

¹ Te Cajwaltic la yalbon xan: —Baan, c'uxuc me ta awo'tan jtul ants te mulanbil yu'un yan winic, te mero mulawil ants stuquele. Jich me c'ux ta co'tan te israeletic jo'on te Yajwalone, manchuc me ya xbajt'ic ta stojol te lotil diosetic, soc te ya swe'beyic pejch'anbil taquin ts'usub te ya yac'beyic smajt'anine —xi'.

Oseas 3:1 Referans Kwoze

Jeremías 31:20

Te Efraín, ¿ma bal ha'uc te jnich'an te bayel sc'oblal ta co'tan? ¿Ma bal ha'uc te alal te ya smulan te co'tane? Aunque bayel la jtsits, ya jna'ulan. Ha yu'un ya stij sba co'tan ta scuenta, bayel me ya jna'be yo'bolil sba, xchi te Jehová.

Isaías 45:22

Suhtanic tal ta jtojol, hich ya xcolex apisilic ta sti'il te bahlumilale; como ho'on Dioson, mayuc yan.

Miqueas 7:7

Pero te ho'one ya cac' jsit ta stojol te Jehová, ha ya jmahliy te Dios yu'un te jcolele; ya ya'iybon jc'op te Dios cu'une.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Zacarías 1:16

Ha yu'un hich yaloj te Jehová: Soc sc'uxul co'tan ya suhton ta stojol te Jerusalén; tey ya yich' pasel a te Jna, xchi te Jehová te scuentahinej spisil, soc ya yich' t'imel te sp'isojibal ta stojol Jerusalén, xchi.

Jeremías 3:20

Pero hich te bin ut'il jtuhl ants te ma junuc yo'tan ta stojol te smamalal, hich ma junuc awo'tanic ta jtojol, ha'ex pueblo Israel, xchi te Jehová.

Salmos 123:2

Hich te bin ut'il te a'batetic ya yac' sitic ta stojol te yajwalic, hich te bin ut'il te criada ya yac' sit ta stojol te ants te cuentahimbil yu'une, ha nix hichotic ya cac' jsitic ta stojol te Jehová te Dios cu'untic ha to c'alal ya sc'uxultayotic.

1 Corintios 10:21

Ma xhu' yac awuch' te copa yu'un Cajwaltic soc te copa yu'un te pucujetique; ma xhu' ya xwe'at ta smesa te Cajwaltic soc ta smesa te pucujetique.

Amós 6:6

yac awuch'ic vino ta muc'ul vasohetic, soc yac amal abahic ta lequil perfumehetic, pero ma ba yac amel awo'tanic yu'un te jinel yu'un José.

Amós 2:8

Ta sts'ehl biluc scajtajib ta chiq'uel mahtanil ya smehtsan sbahic ta c'u'ul te yich'ojic scuenta prenda, soc ta sna te diosetic yu'un ya yuch'ic vino te mambil tal ta multa te ma stojiluc ta pasele.

Nehemías 9:31

Pero ta scuenta te sc'uxul awo'tan ma ba jc'axel la alajin, soc ma ba la apihtes; como ha'at, Diosat te yac ana'be yo'bolil sba soc te ay sc'uxul awo'tane.

2 Reyes 13:23

Pero te Jehová sts'ujet ta yo'tan ta stojolic, la sna'be yo'bolil sbahic yu'un te chapbil-c'op soc Abraham, Isaac soc Jacob. Ma ba la sc'an la slajinlan soc te la sloq'ues ta stojol c'alal ora.

2 Samuel 6:19

Ta patil la spucticlambe jpehch pan, jtebuc ti'bal soc jpehch pasas ta stojol spisil ants-winiquetic yu'un Israel. Patil suht ta snahic spisil te pueblo.

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

Jueces 9:27

Loq'uic bahel ta ts'usubiletic, la stulbeyic sit soc la stec'ticlanic, la spasic q'uin. Patil ochic bahel ta templo yu'un te diosetic yu'unic; c'alal yacalic ta we'el uch'el a hahch sbohlc'optayic te Abimelec.

Éxodo 32:6

Ha yu'un ta schebal c'ahc'al hahchic ta sab, la yaq'uic scohtol chic'bil mahtaniletic soc mahtaniletic scuenta lamal q'uinal. Te pueblo la shuhcan sbahic ta we'el uch'el, patil hahchic ta spasel q'uin.

1 Corintios 10:7

Ma me xach'uhunic loc'ombahetic, hich te bin ut'il ay la spasic stuquelic; hich te bin ut'il ts'ihbabil: Te pueblo la shuhcan sbahic ta we'el uch'el, patil hahch spasic q'uin, te xchihe.

San Mateo 26:50

Halbot yu'un te Jesús: Amigo, ¿bin tal ale? xchi sc'oblal. Hich nohpojic talel, la stsaquic te Jesús soc la schuquic.

Oseas 7:5

Ta sc'ahc'alel te q'uinal yu'un te ajwalil cu'untic, te príncipaletic la ya'beyic chamel ta scuenta sc'ahc'al te vino; jun yac'oj sba soc te jlabanwanejetique.

Oseas 4:11

Te antsiwej, vino soc ya'lel ts'usub ya yac' ch'ayuc snopojibal.

1 Crónicas 16:3

Soc ta spisil Israel, winiquetic soc antsetic, la yac'ticlambe jujupehch pimil pan, dátiles, soc pasas.

Cantares 2:5

A'bon quich' quip ta pasas, a'bon xan yip co'tan ta manzanahetic, como ayon ta chamel ya ca'iy yu'un c'uxul-o'tanil.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.