Oseas 2:7 - Bible in Tzeltal Bachajón

⁷ Ya st'un te mach'atic ya xmulanot yu'un, pero ma ba ya sta; ya sle, pero ma ba ya sta ta lehel. Hich me ya yal: Ya suhton bahel ta stojol te jmamalal ta nahilal, como ha lec xan ayon a te bin ut'il ta ora ini, xchi.

Bible in Tzeltal de Oxchuc y Tenejapa

⁷ Ya sts'aclin xan te mach'atic ya xmulanot yu'un, ja'uc me to, ma ba ya sta bael; ya sle, ja'uc me to, ma ba ya staix. Jich me ya yal: “Ya sujt'on bael ta bay sbabial te jmamlale, melel lec nix ayon soc ta neelal”, xi' me.

Oseas 2:7 Referans Kwoze

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Oseas 5:13

C'alal Efraín ya yil te ay ta chamel, soc te Judá ya yil sc'a'emal, hich te Efraín ya xbaht ta Asiria ta sc'anel coltayel ta stojol te muc'ul ajwalil; pero ma xhu' ya slecubtesex, ma xhu' ya spoxtaybeyex te sc'a'emal.

Oseas 13:6

Noj sch'uhtic ta aquiltic, c'alal noj sch'uhtic hahch toybahil ta yo'tanic; hich ch'ayon ta yo'tanic.

Ezequiel 23:4

Te wixile Ahola sbihil, te ihts'inale Aholiba sbihil. Cu'un c'oht ta schebalic, soc la yac'ticlan yalatac queremetic soc ach'ixetic. Te Aloha, ha te Samaria; te Aholiba, ha te Jerusalén.

Jeremías 14:22

¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Oseas 5:15

Ya suhton bahel ta banti cawil, ha to c'alal ya sna'ic te smulic soc ya slehbonic jsit quelaw. ¡Te c'alal ay swocolic a ya me slehonic! xchi.

Daniel 5:21

La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Ezequiel 23:22

Ha yu'un, Aholiba, hich yaloj te Jehová, te Ajwalil: Ya cac' scontrahinat te mach'atic la smulanat, te mach'atic la ap'aj, ya cac' te ya xtal scontrahinat ta ajoyobal:

Ezequiel 20:32

Ma ba ya xc'oht ta pasel te bin la anopic. Como hich yac awalic: Hich ya jc'antic te pajalotic soc te nacionetic, te pajalotic soc te yantic pueblohetic ta q'uinal, te ya sch'uhuntayic te' soc ton, xchihex.

Ezequiel 16:18

La amucticlan ta t'ujbil ac'u' apac', soc la awa'be smahtanin te aceite soc te pom cu'une.

Ezequiel 16:8

Cha'c'axon xan ta banti ayat, la jquilat, yorahilix te ya xc'anotat. La jlim bahel ta atojol te sti'il te jmuc'ul-c'u', la jmucbat aq'uexlal. La jcal jba ta jamal ta atojol soc la jchap jc'op soc ha'at, hich la jcu'untayat, xchi te Jehová, te Ajwalil.

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.

Jeremías 31:18

La jca'iybe yoq'uel te Efraín, te hich la yal: La awa'bon castigo, hich la jquich'ix castigo te bin ut'il jcoht tut toro te ma ba c'ahytesbile. Ic'awon suhtel, hich ya suhton tal, como ha'at Jehovahat te Diosat cu'une.

Jeremías 2:36

¿Bin yu'un te ora nax yac ayanijtes te behetic awu'une? Ya me xq'uexawat ta scuenta Egipto, hich te bin ut'il q'uexawat yu'un Asiria.

Jeremías 2:28

¿Banti ay te diosetic awu'unic te la apasique? ¡Ac'a hahchuquic, ya quiltic teme ya xhu' ya scoltayex ta yorahil awocol! como hich yipal diosetic awu'un te bin ut'il pueblohetic awu'une, Judá.

Isaías 30:16

La awalic: Ma'uc, ya x'ahnotic bahel ta cawu, xchihex; ha yu'un ya me x'ahnex bahel. Soc la awalic: Ya xmohotic bahel ta cawuhetic te ahnimal ya xbehenic, xchihex; ha yu'un ahnimal ya me xbehenic bahel te mach'atic ya snutsex bahele.

Salmos 116:7

¡Cuxa awo'tan yan buelta, jch'uhlel, como lec bin la spasbat te Jehová!

Jeremías 3:1

Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

Oseas 2:16

Ta hich ora, xchi te Jehová, ya ya'bon jbihilin Ishi, ma ba ya ya'bonix jbihilin Baali.

2 Crónicas 28:23

yu'un la ya'be milbil mahtaniletic te diosetic yu'un Damasco te ha nix tsalot yu'unic, hich la yal: Te bin ut'il te ajwaliletic yu'un Siria coltayotic yu'un te diosetic yu'unic, ha nix hichon ya ca'be milbil mahtaniletic yu'un ya scoltayonic, xchi. Pero ha sjinojibal c'oht soc spisil Israel.

Jeremías 44:17

Ha ya jpascotic spisil te bintic calojcotic: ha te ya ca'becotic pom soc malbil mahtaniletic te ajwalil-ants yu'un ch'ulchan, hich te bin ut'il la jpascotic soc te la spasic te jme'jtatcotic, te ajwaliletic soc te príncipaletic cu'untcotic ta pueblohetic yu'un Judá soc ta callehetic ta Jerusalén. Ta hich ora ay bayel we'elil cu'untcotic, tse'el co'tantcotic soc mayuc bin chopol la jquilcotic.

Ezequiel 23:12

Ha nix hich la smulan te asiriahetic, ha te spat-xuhc, te ha jcuentahinwanejetic soc capitanetic, slapojic t'ujbil sc'u'ic yu'un soldadohetic, ha jmoheletic ta cawu, spisilic jcolel winiquetic te mulantic sbahe.

Oseas 1:2

Ha te shahchibal te sc'op Jehová te la yal ta scuenta Oseas. Hich la yalbe te Oseas: Bahan, ic'a jtuhl j'antsinel ants soc ac'a awal-anich'nab soc te ayic ta scuenta mulil, como yac ta antsinel te pueblo te la yihquitay hilel te Jehová, xchi.