Oseas 2:4 - Bible in Tzeltal Bachajón

⁴ Ma ba ya jna'be yo'bolil sba te yalatac, como ha alaletic yu'un antsinel.

Bible in Tzeltal de Oxchuc y Tenejapa

⁴ Ma ba ya jna'bey yo'bolil sba te yalataque, melel chicnajem ta smulwej.

Oseas 2:4 Referans Kwoze

Oseas 1:6

Te Gomer cha'hahch xan yal, la yalatay jtuhl ach'ix. Te Jehová la yalbe te Oseas: A'beya sbihilin Lo-ruhama como ma ba ya jna'beyix xan yo'bolil sba te sna Israel, ma ba ya jpasbeyix perdón.

Oseas 1:2

Ha te shahchibal te sc'op Jehová te la yal ta scuenta Oseas. Hich la yalbe te Oseas: Bahan, ic'a jtuhl j'antsinel ants soc ac'a awal-anich'nab soc te ayic ta scuenta mulil, como yac ta antsinel te pueblo te la yihquitay hilel te Jehová, xchi.

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Romanos 11:22

Ha yu'un, ilawil te lec yo'tan soc te tulan yo'tan te Diose: ha te tulan yo'tan ta stojol te mach'atic yahlic, pero lec yo'tan ta atojol, teme tey ya xhilat a ta banti ay te lec-o'tanile; te manchuque, ha nix hich ya me awich' set'el loq'uel.

Romanos 9:18

Ha yu'un chican yo'tan te Dios te mach'a ya sc'an ya sc'uxultay soc te mach'a ya sc'an ya yac' tonobuc yo'tan.

San Juan 8:41

Te ha'exe ha yac apasbelic ya'tel te atatique, xchi. La yalbeyic: ¡Te ho'otcotic ma ba yalotcotic j'antsinel-ants! ¡Junax te jtatcotic, ha te Diose! xchihic.

Zacarías 1:12

Te ch'ul a'bat yu'un Jehová hich la yal: Jehová te scuentahinej spisil, ¿jayeb xan ora te ma ba yac ac'uxultay te Jerusalén soc te pueblohetic yu'un Judá, te ayix lajuneb schanwinic (70) ha'bil te ilinemat ta stojolique? xchi.

Ezequiel 9:10

Ha yu'un ma ba ya jpasbe perdón, ma ba ya jna'be yo'bolil sbahic, ya cac' c'ohtuc ta sjolic te bintic spasojic, xchi.

Jeremías 16:5

Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.

Isaías 57:3

¡Yan te ha'exe, nohpojanic talel, ha'ex te snich'nabex jna'ojel, sts'umbalex j'antsiwej soc j'antsinel ants!

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

2 Reyes 9:22

Te Joram c'alal la yil te Jehú, hich la yal: ¿Scuenta bal lamal q'uinal talat, Jehú? xchi. ¿Bin ut'il ay lamal q'uinal yu'un te bayel antsinel soc ilojel yu'un te anan Jezabel? xchi te Jehú.

Ezequiel 23:25

Ya cac' scontrahinat te xut'et co'tan, soc sc'ahc'al yilimbahic ya me scontrahinat. Ya me sloq'uesbat ani' soc achiquin, soc te mach'atic awu'un te cuxul ya xhilic ya me xlajic ta espada. Ya me yic'bat te awal-anich'nab queremetic soc ach'ixetic, soc te jayeb xan ya xhilic awu'un ya me xlajic ta c'ahc'.

Oseas 5:7

Ma junuc yo'tanic ta stojol Jehová, como ay scha'nich'anic; ta junax u pajal ya xlajic soc te sq'uinalique.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.