Oseas 2:3 - Bible in Tzeltal Bachajón

³ Teme ma'uque, ya jwahtan, hich watal ya xhil cu'un te bin ut'il te c'alal ayine; hich ya cac' te bin ut'il jochol taquin q'uinal, ya jc'atp'un ta taquin q'uinal, soc ya jmil ta taquinti'il.

Bible in Tzeltal de Oxchuc y Tenejapa

³ Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Oseas 2:3 Referans Kwoze

Ezequiel 16:22

Ta spisil bintic ilobtic sba awu'un soc te la awac' aba ta antsinel, ma ba la ana'ix te c'alal alalat, te c'alal watalat soc te awa'tinej ach'ich'el a.

Ezequiel 19:13

Ta ora ini ts'umbilix ta jochol taquin q'uinal, ta mero taquin q'uinal.

Jeremías 13:22

Teme hich yac awal ta awo'tanic: ¿Bin yu'un te hich c'oht ta jtojol? teme xchihate, ha ta scaj bayel mulil awu'un te la yich' mohtesel atsec, soc la awich' uts'inel.

Apocalipsis 17:16

Te lajuneb xulubiletic soc te chambahlam te xiweltic sba te la awile ya me yilintayic te j'antsinel-ants, jimbil soc mayuc sc'u' ya xhil yu'unic; ya me sti'beyic sbaq'uetal soc ya me schiq'uic ta c'ahc'.

Jeremías 51:43

Jochol hilic te pueblohetic yu'un, te q'uinal taquin soc jochol hil, ha q'uinal te mayuc mach'a ya xnahin tey a, mayuc mach'a ya xc'ax tey a.

Jeremías 22:6

Te Jehová hich ya yalbe sc'oblal te sna ajwalil yu'un Judá: Hich c'ohemat ta jtojol te bin ut'il Galaad, hichat te bin ut'il te ba wits yu'un Líbano; pero ya me jc'atp'unat ta jochol taquin q'uinal, hich ya xc'ohat te bin ut'il pueblohetic te mayuc mach'a nahinem tey a.

Jeremías 17:6

Hich ya xc'oht te bin ut'il jpeht ch'ix ta jochol taquin q'uinal, ma ba ya yil te bin ora ya xtal te bin leque; ya x'ayin ta tontiquil ta jochol taquin q'uinal, ta chi'il lumq'uinal ta banti mayuc mach'a nahinem tey a.

Jeremías 13:26

Ho'on nix ya jlicbat mohel atsec c'alal ta asit awelaw, hich ya xchicnaj aq'uexlal:

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 4:26

La jquil, c'atp'ujem ta jochol taquin q'uinal te yaxal q'uinale, soc spisil te pueblohetic yu'un jihnticlambilic ta stojol te Jehová, ta stojol te sc'ahc'al yilimba.

Jeremías 2:31

Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

Jeremías 2:6

Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Isaías 64:10

Jochol taquin q'uinal c'ohem te ch'ul pueblohetic awu'un, te Sión ha jochol taquin q'uinal, te Jerusalén jc'axel jihnemix.

Isaías 47:3

Jamal ya xchicnaj te watalat, ya x'ilot aq'uexlal. Ya ca'be castigo, mayuc mach'a ya xcol,

Isaías 33:9

Te lumq'uinal ya smel yo'tan soc ya xlaj yip, ya xq'uexaw te Líbano soc ya sayub; te Sarón sutp'ij ta jochol taquin q'uinal, te Basán soc Carmelo ya slihlinic cohel ya'binalic.

Jueces 15:18

Te bin ut'il mero bayel taquij yo'tan te Sansón, hich la yawtay te Jehová: Ha'at la awaq'uix te muc'ul coltayel ini ta scuenta te a'bat awu'un, ¿bin ut'il ay a te yac awac' te ya xchamon ta taquinti'il soc te ya x'ochon ta sc'ab mach'atic ma ba yich'ojic circuncisión? xchi.

Éxodo 17:3

Te snich'nab Israel ay taquinti'il la ya'iyic tey a, hich hahch stijic ta c'op te Moisés, hich la yalbeyic: ¿Bin yu'un la aloq'uesotcotic tal ta Egipto yu'un yac amilotcotic ta taquinti'il soc cal-jnich'ancotic soc te jchambahlamcotic? la yutic.

Oseas 2:10

Yo'tic ya cac' chicnajuc te sq'uexlal ta stojol te mach'atic mulanot yu'une, mayuc mach'a ya xcoltayot loq'uel ta jc'ab yu'un.

Jeremías 14:3

Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Oseas 13:15

Aunque ya xp'ohl ta yohlil te yermanotac, ya xtal te ic' ta banti ya xloc' tal c'ahc'al, te ic' yu'un Jehová te ya xtal ta jochol taquin q'uinal, ya xtaquij te sloq'uib-ha' yu'un, ya xtup' banti ya xloc' te ha' yu'une. Ha ya spojbe spisil bintic ay ta yawil sc'ulejal te t'ujbilique.

Jeremías 51:5

Como te Israel soc te Judá ma ba ihquitaybilic yu'un te Dios yu'unic, te Jehová te scuentahinej spisil, aunque noj ta mulil te sq'uinalic ta scontrahinel te Ch'ul Dios yu'un Israel.