Oseas 2:12 - Bible in Tzeltal Bachajón

¹² Ya jlajimbe te ts'usubiletic soc te higuerahetic yu'un, te hich la yalbe sc'oblal: Ha jtojol te la ya'bonic te mach'atic ya smulanon, te xchihe. Ya jc'atp'un ta spimil q'uinal, ya xwe'otic yu'un te ha'mal chambahlametique.

Bible in Tzeltal de Oxchuc y Tenejapa

¹² Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.

Oseas 2:12 Referans Kwoze

Isaías 7:23

Soc ta hich ora, te banti ta nahil to ay lajunwinic yoxbahc' (1,000) ta peht ts'usubiltic te ha lajunwinic yoxbahc' (1,000) ta sehp plata stojol, ha xanix ay pimil ch'ixileltic soc ch'ixetic tey a.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Oseas 13:8

Ya jta ta lehel hich te bin ut'il me' oso te pojbil yalatac, ya jlombe stahn, tey ya jwe' a hich te bin ut'il choj, ya xbutsticlanot yu'un ti'awal chambahlam.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Oseas 9:1

Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

Jeremías 26:18

Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Jeremías 8:13

Ya jlajimbe spisil, xchi te Jehová, ma ba ya xhil ts'usub ta sc'ab, mayuc higohetic ta ste'el, ya xluhbaj ya'binal, te bintic ca'beyej, ya xc'ax ta stojolic, xchi.

Isaías 29:17

Ta jts'ihn bahel ¿ma bal yacuc xc'atp'uj ta lequil q'uinal te Líbano, soc te lequil q'uinal hich yilel ya xc'oht te bin ut'il tohyem te'etic?

Salmos 80:12

¿Bin yu'un la ajinticlan te sts'ahcul, te hich ya xhu' ya stulbeyic sit te mach'atic ya xbehenic bahel tey a?

Jeremías 5:17

Ya me slajimbat te sit ats'un-awawal soc te we'elil awu'un, ya slajimbat aquerem-nich'nab soc awantsil-nich'nab; ya me slajimbat te tuminchijetic soc wacaxetic awu'un, te ts'usubiletic soc te higuerahetic awu'une; ya me sjimbat ta espada te pueblohetic te ay sts'ahcul te smuc'ulinej awo'tanique.

Jeremías 13:26

Ho'on nix ya jlicbat mohel atsec c'alal ta asit awelaw, hich ya xchicnaj aq'uexlal:

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.