Oseas 14:3 - Bible in Tzeltal Bachajón

³ Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

Bible in Tzeltal de Oxchuc y Tenejapa

³ Asiria ma xju' ya scoltayotic; soc ma xju' xcolotic yu'un te caballoetique. “Dios cu'untic”, ma me xoocotic ta stojol te bila jpasojtic ta jc'abtique. Melel ja'at nax atuquel, Cajwal, te ya ana'bon yo'bolil jba te me'ba alalone —xaat me ta stojol te Diose.

Oseas 14:3 Referans Kwoze

Salmos 68:5

Te Dios te ay ta ch'ul templo yu'un, ha stat te me'ba'etic, soc ya xc'opoj yu'un te me'ba' antsetique.

Salmos 10:14

Ha'at awiloj, yu'un yac awil te bintic chopol soc te uts'inel, yu'un yac awa'be stoj ta ac'ab. Ya yac' sba ta atojol te mach'a ma xhu' scanantaybel sba; ha'at jcoltaywanejat yu'un te me'ba'.

Oseas 14:8

Hich me ya yal te Efraín: ¿Bin cochel a te loc'ombahetic? xchi. Ho'on ya ca'iybe sc'op soc ya jcanantay; hich ya xc'ohon ta stojol te bin ut'il taj te spisil ora yax, ya xloc' tal ta jtojol te sit awu'une.

Oseas 5:13

C'alal Efraín ya yil te ay ta chamel, soc te Judá ya yil sc'a'emal, hich te Efraín ya xbaht ta Asiria ta sc'anel coltayel ta stojol te muc'ul ajwalil; pero ma xhu' ya slecubtesex, ma xhu' ya spoxtaybeyex te sc'a'emal.

Oseas 2:17

Como ya jloq'uesbe ta ye te sbihilic te baaletic, mayuquix bin ora ya yalbe te sbihilique.

Isaías 31:1

¡Ay me swocolic te mach'atic ya xcohic bahel ta Egipto ta slehel coltayel, te ha smuc'ulinej yo'tanic te cawuhetic, te ya smuc'ulin yo'tanic te bin ut'il ay bayel carretahetic yu'unic, soc te bin ut'il ay yipic te jmoheletic ta cawu, te ma ba ya yac' sitic ta stojol te Ch'ul Dios yu'un Israel, ma ba ya slehic te Jehová!

Isaías 30:16

La awalic: Ma'uc, ya x'ahnotic bahel ta cawu, xchihex; ha yu'un ya me x'ahnex bahel. Soc la awalic: Ya xmohotic bahel ta cawuhetic te ahnimal ya xbehenic, xchihex; ha yu'un ahnimal ya me xbehenic bahel te mach'atic ya snutsex bahele.

Salmos 33:17

Te cawu ma xhu' ya xcoltaywan; aunque bayel yip, ma xhu' ya x'ac'awan ta libre.

San Juan 14:18

Ma ba ya quihquitayex ta me'bahil; ya xtal joquinex.

Oseas 12:1

Te Efraín puro ic' ya swe', sjunal c'ahc'al ya st'un bahel te ic' te ya xtal ta stojol banti ya xloc' tal c'ahc'al; ya sp'oltes te lot soc te uts'inwanej, yu'un ya schap sc'op soc Asiria soc ya yich' bahel aceite ta Egipto.

Oseas 8:9

Como mohic bahel ta Asiria hich te bin ut'il ha'mal burro te stuquel ay. Efraín la schon sba ta stojol mach'atic mulanot yu'un.

Oseas 8:6

Como ha nix yu'un Israel te jcolel toro; pasbil yu'un mach'a ya sna' spasel, ma ha'uc Dios te toro. Ha yu'un ya me yich' wuyel te jcolel toro yu'un Samaria.

Oseas 7:11

Te Efraín hich c'ohem te bin ut'il stsuhmut, ma sna' q'uinal: ya yawtay Egipto, ya xbaht ta stojol Asiria.

Ezequiel 37:23

Ma ba ya sbohlobtesix xan sbahic ta scuenta te loc'ombahetic yu'unic, te bintic ilobtic sba soc te toybahil yu'unique. Ya jcoltay loq'uel ta spisil te toybahil yu'unic te la sta smulic yu'un, ya jpocticlan. Ha pueblo cu'un ya xc'ohtic, ho'on Dioson yu'unic ya xc'ohon.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Isaías 36:8

Yo'tic, awocoluc chapa ac'op soc te ajwalil cu'un, ha te ajwalil yu'un Asiria: Ya ca'bat ho'bahc' (2,000) cawuhetic teme ya xweht awu'un mach'atic ya xmohic a.

Isaías 31:3

Te egipciohetic winiquetic nax, ma ha'uc Dios; baq'uet nax te cawuhetic yu'unic, ma ha'uc espíritu. Te c'alal ya shach sc'ab te Jehová ya xyahl te mach'a ya xcoltaywan soc ya xyahl te mach'a coltaybil; ta spisilic pajal ya xlajic.

Isaías 30:2

Ya xcohic bahel ta Egipto, pero ma ba la sjoc'obonic. Ya sc'anic te ya yich' yipic ta scuenta yip te faraón, ha ya smuc'ulin yo'tanic te canantayel yu'un Egipto.

Isaías 27:9

Hich ya xpasbot perdón yu'un smul te Jacob, soc ha ini ha spisil te sit yu'un te ya yich' loq'uesel te smule: Ha te spisil te tonetic yu'un te scajtajib ta chiq'uel mahtanil hich ya xc'oht te bin ut'il tonetic yu'un tan te juch'ticlambilic, soc te ma ba teq'uelix ya xhil te loc'ombahetic yu'un Asera o te loc'ombahetic yu'un te c'ahc'ale.

Isaías 2:20

Ta hich ora te ants-winiquetic ya me sch'ojic bahel ta stojol te ch'ohetic soc sots'etic, te loc'ombahetic yu'unic te pasbilic ta plata soc ta oro, te la spasic yu'un ya sch'uhuntayic.

Isaías 1:29

Ya xq'uexawex yu'un te jihte'etic te la amulanic; soc ya yaq'uex ta q'uexlal te ts'umbil q'uinal te tsahbil awu'unique.

Salmos 146:9

Te Jehová ya scanantay te jyanlumetic, ya ya'be bin ya xtuhun yu'un te me'ba' alaletic soc te me'ba' antsetic, yan te mach'atic chopolic ya showiytes ta be.

Salmos 146:3

Ma me xawac' smuc'ulin awo'tanic te winiquetic ay sc'oblalic, te snich'nab winic, yu'un ma xcoltaywan.

2 Crónicas 16:7

Ta hich ora tal te jalwanej Hanani ta stojol te Asa ajwalil yu'un Judá, hich la yalbe: Te bin ut'il la awich' awip ta scuenta te ajwalil yu'un Siria, te ma ba la awich' awip ta scuenta te Jehová te Dios awu'un, hich colix ta ac'ab te soldadohetic yu'un te ajwalil yu'un Siria.

Deuteronomio 17:16

Pero te ajwalil ma sc'an te ay bayel cawuhetic yu'un, soc ma me xyac' suhtel te pueblo ta Egipto yu'un ya yich'be xan tal cawuhetic; como hich yalbeyejex te Jehová: Ma jaymehl xan ya suhtex bahel ta be ini, xchi.

Zacarías 13:2

Ta hich ora, xchi te Jehová te scuentahinej spisil, ya jloq'ues ta q'uinal te sbihilic te loc'ombahetic, ma ba ya xna'otix; soc ya jloq'ueslan ta q'uinal te jalwanejetic soc te snopel bintic chopol.

Jeremías 49:11

Ihquitaya te me'ba'etic awu'un, ho'on ya jcanantay; soc te me'ba' antsetic awu'un ha ya smuc'ulinon yo'tanic, xchi.

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

Oseas 13:2

Yacalic ta spasel xan mulil ta ora ini; ya spasic loc'ombahetic ta uhltesbil plata, ha chican bin yilel ya smulan yo'tan, ¡spisilic ha ya'tel mach'atic ya sna'ic spasel! Hich ya xhalbot sc'oblalic: Te mach'atic ya yaq'uic chic'bil mahtaniletic, ya yuhts'uyic torohetic, xchi sc'oblalic.

Jonás 2:10

Te Jehová la yalbe mandar te muc'ul chay, hich la xehtay loq'uel ta lumq'uinal te Jonás.