Oseas 13:8 - Bible in Tzeltal Bachajón

⁸ Ya jta ta lehel hich te bin ut'il me' oso te pojbil yalatac, ya jlombe stahn, tey ya jwe' a hich te bin ut'il choj, ya xbutsticlanot yu'un ti'awal chambahlam.

Bible in Tzeltal de Oxchuc y Tenejapa

⁸ Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

Oseas 13:8 Referans Kwoze

2 Samuel 17:8

Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

Jeremías 12:9

Te pueblo cu'un hich c'ohem te bin ut'il ha'mal mut te bayel sch'ahlel te joytaybil ta contrahinel yu'un yantic mutetic. ¡Bahanic, tsobahic talel spisil ha'mal chambahlametic, ic'ahic talel yu'un ya xlajinot yu'unic!

Isaías 56:9

Spisil te chambahlametic ta q'uinal, spisil te chambahlametic ta tohyem te'etic, la'ic, lajinahic ta we'el.

Isaías 5:29

Te sjahts' hich te bin ut'il yaw choj, ya x'awonic hich te bin ut'il jcolel choj; ya x'awonic soc ya stsac swe'elic, ya yich'ic bahel, mayuc mach'a ya xpojbot yu'un.

Proverbios 17:12

Ha lec xan yac ata aba soc me' oso te elc'ambil yalatac te bin ut'il yac ata aba soc te jsohquejol ta sohqueholal.

Salmos 80:13

Te ha'mal chitametic ya stuch'ticlanic, te ha'mal chambahlametic ya slajinic ta we'el.

Salmos 50:22

Ac'a c'ohtuc ta awo'tan ini, ha'ex te yac ach'ay ta awo'tanic te Diose, te manchuc ya jtuch'ticlanex, hich mayuc mach'a ya scoltayex.

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.

Oseas 2:12

Ya jlajimbe te ts'usubiletic soc te higuerahetic yu'un, te hich la yalbe sc'oblal: Ha jtojol te la ya'bonic te mach'atic ya smulanon, te xchihe. Ya jc'atp'un ta spimil q'uinal, ya xwe'otic yu'un te ha'mal chambahlametique.

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.