Oseas 13:7 - Bible in Tzeltal Bachajón

⁷ Ha yu'un hich ya xc'ohon ta stojolic te bin ut'il choj, ya jmacliy hich te bin ut'il c'an bo'olay choj ta be.

Bible in Tzeltal de Oxchuc y Tenejapa

⁷ Ja' yu'un, jich me ya jpasbey ta stojolic te bit'il ya spas te león-choje, jich bit'il leopardo-choj te ya xmujc'taywan ta be.

Oseas 13:7 Referans Kwoze

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Lamentaciones 3:10

Hich c'oht ta jtojol te bin ut'il oso te yac smaclibel swe'el, hich te bin ut'il choj te snac'oj sba.

Amós 3:8

Teme awon te choj ¿mach'a a te ma ba ya xi'e? Teme ay bin ya yal te Jehová ¿mach'a a te ma ba ya yal sc'op-jalwanej?

Amós 3:4

¿Ya bal x'awon choj ta ha'maltic, teme mayuc bin stsacoj? ¿Ya bal x'awon te tut choj ta sch'en teme mayuc bin stsacoj?

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Job 10:16

Teme ya jach te jole, ha'at yac anutson hich te bin ut'il choj, soc yac apas jchahp a'teliletic ta jcontra.

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.